“Ka rëndësi në parandalimin e korrupsionit dhe nxitjen e reformave në Shqipëri”, Ambasada Amerikane jep njoftimin e rëndësishëm

Ambasada Amerikane ka informuar se shefi i Zyrës së Marrëdhënieve me Publikun Brian Beckmann ka folur për rëndësinë e rolit të shoqërisë civile në llogaridhënien e qeverisë, parandalimin e korrupsionit dhe nxitjen për reforma thelbësore në Shqipëri.

POSTIMI I AMBASADËS

???????? | Shefi i Zyrës së Marrëdhënieve me Publikun Brian Beckmann theksoi rëndësinë e rolit të shoqërisë civile në llogaridhënien e qeverisë, parandalimin e korrupsionit dhe nxitjen për reforma thelbësore në Shqipëri teksa iu drejtua pjesëmarrësve në seancat e informimit mbi Programin Granteve të Vogla të Komisionit të Demokracisë. Programi, i cili administrohet nga Zyra e Marrëdhënieve me Publikun, mbështet nisma të organizatave jo-qeveritare (OJQ) vendase të angazhuara në mbarë Shqipërinë në fusha të ndryshme, nga anti-korrupsionin, qeverisja e mire dhe gazetaria investigative tek të drejtat të njeriut, fuqizimin i grave dhe të rinjve e shumë të tjera. Ambasada organizoi së fundmi dy seanca informimi online për organizatat e interesuara për të aplikuar në thirrjen e parë për projekt-propozime të Programit të Granteve të Vogla të Komisionit të Demokracisë për vitin 2020. Organizatat morën edhe udhëzime e këshilla për një propozim konkurrues dhe procesin e aplikimit.