BREAKING NEWS

“Halle halle kjo dynja”, Rama poston foton e Gregut dhe bën reagimin epik: Xhaja i vet dhe Erjoni im...

“Halle halle kjo dynja”, Rama poston foton e Gregut dhe bën
x

Aktualitet

Kamerat e sigurisë kapin pamje tronditëse nga resorti në Shijak për vrasjen e Jan Prengës, autorët dalin me kazma dhe lopata për të groposur trupin

 

 

 

Kamerat e sigurisë kapin pamje tronditëse nga resorti në Shijak

Ende po vijojnë hetimet lidhur me gjetjen e trupit të 49-vjeçarit Jak Prenga, i cili u mor  peng 12 ditë më parë në qendër të Kamzës. Deri më tani, për pengmarrjen dhe vrasjen e tij Policia e Tiranës ka arrestuar 5 persona, i fundit i identifikuar si Festim Bexhdili 30 vjeç, banues në Kavajë.

Për këtë ngjarje të rëndë detaje të reja janë zbuluar ku, Prokuroria e Tiranës në bashkëpunim me policinë kanë sekuestruar kamerat e sigurisë, si të resortit të Hajrajve, po ashtu edhe të një biznesi përballë, ku është filmuar një fugon që qëndron për disa orë.

Mësohet se personat e arrestuar, kanë dalë nga resorti, me vegla pune, që dyshohet se kanë dalë për të bërë varrosjen e trupit të Jan Prengës. Rrëmbimi i Prengës, është bërë për shkak se i vëllai që ndodhet në Angli, ka marrë një sasi të konsiderueshme lëndë narkotike, dhe nuk e ka dorëzuar në destinacion.

Gjithashtu pamjet kanë fiksur Jan Prengen duke e nxjerrë të zhveshur nga makina.Astrit Prenga, vëllai i Janit, ka kërkuar që familjarët të mos bashkëpunojnë me Policinë.

Ngjarja u zbardh nga Policia e Shtetit dy ditë më parë, ku u dhanë detaje për operacionin që u zhvillua në Shijak.49-vjeçari i rrëmbyer, si pasojë e goditjeve të marra në Kamzë dhe humbjes së gjakut ka ndërruar jetë rrugës për në resort, aty ku do mbahej peng.