Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kandidate për SPAK-un, Elizabeta Imeraj vjen me premtimin e parë

Postuar: 19/04/2019 - 23:45

Drejtuesja e Prokurorisë së Tiranës, Elizabeta Imeraj është një ndër kandidatet për tu bërë pjesë e strukturës që do të luftojë korrupsionin në nivele të larta. Në një takim që organizoi qendra “Zëri i Integrimit” me studentë të juridikut për të diskutuar mbi plotësimin e detyrave antikrim që BE i ka vendosur Shqipërisë, ajo premtoi se SPAK-u do të përmirësojë goditjen e krimit dhe korrupsionit
 
“Për produktin ne duhet të presim. E rëndësishme është që të gjithë mekanizmat e përfshirë në zbatimin e këtij legjislacioni të ndryshuar, pra në zbatim të reformës në drejtësi, të bëjnë punën e duhur, në mënyrë që produkti si SPAK të dalë në mënyrë të duhur. Kjo pritet për t’u parë në varësi të punës që po bën secili nga institucionet përkatëse” premtoi kryeprokurorja e Tiranës në një raportim të ‘Zërit të Amerikës’.
 
Gjithashtu, Imeraj krahasoi këto struktura të reja special kundër korrupsionit [SPAK dhe BKH] si një domosdoshmëri njëlloj si ishte e nevojshme ngritja e gjykatës dhe prokurorisë së krimeve të rënda në 2004, pra si një kundërpërgjigje ndaj krimit në periudha të ndryshme kohore.
 
Drejtuesja e prokurorisë së Tiranës, e cila ka qenë më parë prokurore e krimeve të rënda, kërkoi mbështetjen e komunitetit qytetar dhe mediave në punën e hetuesve, të cilët janë pjesë e komunitetit dhe kanë angazhimet e tyre në familje dhe në lagje,e dërgojnë fëmijët në kopshte e shkolla si gjithë të tjerët.
 
“Fakti që prokurorët hetojnë edhe raste korrupsioni të kolegëve të tyre tregon se vullneti i tyre për punë të ndershme ekzison. Nga kjo trupë prokurorësh dhe gjyqtarësh ne kemi disa të hetuar, të gjykuar e të deklaruar fajtorë, edhe pse janë kolegët tanë”, përfundoi Imeraj.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/08/2019 - 18:00

Ngjarja skandaloze ku u përfshi në konflikt pronari i restorantit ‘’Panorma’’ Mihal Kokëdhime me 5 turistët spanjollë ka gjetur vend dhe në median iberike.

Postuar: 19/08/2019 - 17:43

Një i riu shqiptar ka humbur jetën në një aksident të ndodhur këtë mëngjes në Villamarina të komu

Postuar: 19/08/2019 - 17:30

Një shqiptar është dëmtuar rëndë në trup, pasi ra nga pema duke kapur një tullumbace.

Postuar: 19/08/2019 - 17:01

Aksi rrugor Vorë-Rinas-Fushë Krujë vijon të mbetet një makth për të gjithë drejtuesit e mjeteve.

Postuar: 19/08/2019 - 16:11

Autoriteti Kombëtar i Ushqimit bën me dije se ka bllokuar 3 subjekte, pasi ushtronin aktivitet pa

Postuar: 19/08/2019 - 16:00

Gjykata e Vlorës ka dhënë masën e sigurisë “Arrest në burg” për Mihal Kokëdhimën, pro