BREAKING NEWS

Këshilli Politik ul siparin, Basha bën lëvizjen e radhës, zbulohet se çfarë do të ndodhë nesër në orën 11:00

Këshilli Politik ul siparin, Basha bën lëvizjen e radhës,
x

Aktualitet

Kartat e identitetit dhe pasaportat e skaduara gjatë pandemisë, ministri Lleshaj del me njoftimin e rëndësishëm: Nga nesër do të fillojë …

Kartat e identitetit dhe pasaportat e skaduara gjatë pandemisë,

Ministri i Brendshëm, Sandër Lleshaj është shprehur se të gjithë qytetarëve që u ka skanduar karta e identitetit apo pasaporta brenda periudhës së pandemisë do i konsiderohen si të vlefshme për aq kohë sa do të zgjasë koronavirusi.

Ndërsa Lleshaj theksoi se mjetet e identifikimit që kanë mbaruar para fillimit të pandemisë afati i vlefshmërisë nuk do tu njihet.

Ministri shtoi se do të formalizohn së shpejti aktet përkatëse ligjore që do të mundësojnë njohjen e vlefshmërisë së çdo pasaporte apo karte identiteti, në të gjithë territorin e vendit, për aq kohë sa zgjat epidemia.

Ndërkohë shtoi se Ministria e Brendshme ka komunikuar me të gjitha bankat në mënyrë që mjetet e identifikimit të skaduara të njihen edhe pa u formalizuar procesi i njohjes.

Gjithashtu shtoi se janë prodhurar një numër i madh kartash dhe pasaportash, shpërndarja e të cilave do të fillojë që nesër ku qytetarët do thirren nominalisht për të lënë takime dhe për t’i tërhequr.

Reagimi i plotë

Shfrytëzoj këtë mundësi për të komunikuar me publikun në lidhje me shpërndarjen e kartave të identitetit dhe të pasaportave të prodhuara ndërkohë.

Dihet që për arsye të pandemisë, janë ndaluar veprimtaritë e zyrave të aplikimit për pasaporta dhe karta identiteti, por ndërkohë një numër i madh kartash ID dhe pasaportash janë prodhur dhe ne do të marrim masa që sipas një skeme të caktuar dhe shumë të sigurt, të mundësojmë që këto të shpërndahen.

Për këtë arsye zyrat përkatëse që janë përgjegjëse për shpërndarjen e kartave ID dhe pasaportave dhe bëhet fjalë për disa mijëra syresh, do të fillojmë nga nesër që të thërrasim qytetarët nominalisht, për të lënë takime për të marrë në dorëzim kartat apo pasaportat.

Ftoj qytetarët që të bashkëpunojnë në këtë proces, i cili duhet të zhvillohet duke respektuar me rigorozitet të lartë të gjitha masat e sigurisë.

Ndërkohë për të gjithë qytetarët e tjerë, të cilët nuk kanë pasur mundësi të paraqiten për t’i rinovuar kartat apo pasaportat e tyre, theksoj që të gjitha kartat apo pasaportat, të cilave u ka mbaruar afati i vlefshmërisë gjatë periudhës së epidemisë, ky afat vlefshmërie nuk do të njihet, pra ato do të konsiderohen të vlefshme për aq kohë sa pandemia do të zgjasë në Shqipëri apo më tej.

Për këtë arsye ne do ta formalizojmë së shpejti me aktet përkatëse ligjore, të cilat do të mundësojnë njohjen e vlefshmërisë së çdo pasaporte apo karte identiteti, në të gjithë territorin e vendit, për aq kohë sa zgjat epidemia. Ndërkohë që për bankat, është komunikuar zyrtarisht me të gjithë drejtuesit e bankave të cilëve u është kërkuar nga Ministria e Brendshme që t’i njohin ndërkohë, edhe pa u formalizuar i gjithë procesi i njohjes, të njohin vlefshmërinë e të gjitha kartave dhe pasaportave të cilave u ka përfunduar vlefshmëria zyrtare gjatë kohës së epidemisë.