Aktualitet

Kërcet arma në Fier, plagoset në mesnatë vlonjati, autorët largohen me një tip "Benz"

Kërcet arma në Fier, plagoset në mesnatë vlonjati,

Një ngjarje e rëndë raportohet nga Policia se ka ndodhur në Fier, ku ka mbetur i plagosur vlonjati që kishte shkuar për vizitë tek tezja e tij. Sipas burimeve zyrtare bëhet me dije se autori është larguar.

FIER: Njoftimi i Policisë:  Sot më datë 01.08.2020, rreth orës 00:30, në lagjen Mbrostar-Ferko, Fier, në banesën e tezes së tij, është plagosur me armë zjarri në krahë shtetasi N.Xh, 50 vjeç, banues në Vlorë.

50-vjeçari ndodhet në spital nën kujdesin e mjekëve jashtë rrezikut për jetën.

Autorët dyshohet se janë larguar me një mjet tip “Benz” i cili pak minuta më vonë u gjet i djegur në aksin rrugor Fier-Levan, në vendin e quajtur “Rrethrrotullimi i Levanit”.

Eshtë ngritur grupi hetimor dhe po punon për zbardhjen e plotë të ngjarjes, identifikimin dhe kapjen e autorëve.

Më të lexuarat