BREAKING NEWS

“Do të nisë së shpejti”, Spartak Ngjela paralajmëron lëvizjen që do të luftojë korrupsionin politik në nivele të larta: Do jetë fundi i...

“Do të nisë së shpejti”, Spartak Ngjela
x

Aktualitet

Kërkohej për vjedhjen e 50 mijë eurove, Interpol Tirana dhe autoritetet policore gjermane kapin Ylli Selën (Detaje nga operacioni)

Kërkohej për vjedhjen e 50 mijë eurove, Interpol Tirana dhe

Specialistët e Interpol Tirana arritën të ekstradonin nga Duesseldorfi në Gjermani, 39 vjeçarin Ylli Sela, të dënuar për 'vjedhje me dhunë'.

Gjykata e Rrethit Gjyqësor Lushnje e ka dënuar më parë shtetasin Ylli Sela me 3 vjet e 4 muaj burg për veprën penale 'Vjedhje me dhunë e kryer në bashkëpunim dhe e mbetur në tentativë.

Ngjarja ka ndodhur në rrethrrotullimin e Savrës në Lushnje ku shtetasi Ylli Sela në bashkëpunim me shtetasit E.K. dhe E.S., të pajisur me çorape në kokë dhe duke përdorur dhunë fizike kanë tentuar të vjedhin me dhunë  shumën prej 50 000 Euro në automjetin tip “Volkswagen” me të cilin udhëtonin shtetasit V.K dhe J.L.

Njoftimi i plotë:

Interpol Tirana

Ekstradohet nga Gjermania një shtetas i dënuar për "Vjedhje me dhunë"

Nga Specialistët e Interpol Tirana u krye ekstradimi nga Duesseldorf/Gjermani drejt vendit tonë të  shtetasit shqiptar  Ylli Sela, 39 vjeç, lindur në Zhapokike, Tepelenë dhe banues në Vlorë.

Pas shkëmbimit të informacionit mes Interpol Tirana dhe autoriteteve policore të Gjermanisë, u bë e mundur që  shtetasi Ylli Sela, të kapej dhe arrestohej  nga Policia gjermane  me qëllim ekstradimin drejt Shqipërisë, në zbatim të urdhër arrestit ndërkombëtar të nxjerrë nga Zyra Qendrore Kombëtare Interpol Tirana.

Gjykata e Apelit Vlorë  ka lënë në fuqi vendimin e Gjykatës së Rrethit Gjyqësor Lushnje e cila  e ka dënuar këtë shtetas me 3 vjet e 4 muaj burgim, për veprën penale “Vjedhje me dhunë“ e kryer në bashkëpunim dhe e mbetur në tentativë.