Kërkoi 4 mijë euro për ta favorizuar efektivin që të merrte gradën nënkomisar, GJKKO jep vendimin për pedagogun e Akademisë së Sigurisë dhe policin e rrugores

Gjykata e Posaçme kundër Korrupsionit Krimit të Organizuar ka lënë në burg pedagogun e Akademisë së Sigurisë, Qetësor Gurrës dhe efektivin e policisë rrugor Dritan Lelajn.

Ata akuzohen për falsifikim të  dokumenteve dhe ushtrim ndikimi të paligjshëm. Kryekomisari Qetsor Gurra lektor në Akademinë e Sigurisë, i kishte premtuar inspektorit të policisë rrugore, Dritan Lelajt se do ta favorizonte që të fitonte gradën nënkomisar, kundrejt 4000 eurove.

Arrestimi i tyre u krye pas hetimeve disa mujore të kryera nga SHÇBA, ku rezultoi se Qetësor Gurra ka favorizuar policin e rrugores Dritan Lelaj që të merrte përmes falsifikimit të dokumenteve gradën nënkomisar gjatë procesit të konkurrimit në Akademinë e Sigurisë për vitin 2021.