Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Këshilli i Lartë Gjyqësor 'fundos' Theodhori Sollakun, zbardhet shkaku se pse u përjashtua nga gara 

Postuar: 23/10/2019 - 08:42

Nga 22 kandidatë KLGJ konfirmoi 8, duke lënë jashtë edhe Theodhori Sollakun i cili nuk do të vazhdojë garën për në Gjykatën e Lartë.

Mësohet se ky vendim për skualifikim është marrë ditën e djeshme nga Këshilli i Lartë Gjyqësor. Shkak për përjashtimin nga gara është bërë shkarkimi si kryeprokuror i Sollakut në vitin 2007.

 

Njoftimi i KLGJ:

Sot më datë 22.10.2019, Këshilli i Lartë Gjyqësor, zhvilloi mbledhjen e radhës në të cilën miratoi disa vendime të rëndësishme. Më konkretisht, Këshilli pasi u njoh me raportin e përgatitur nga Komisioni për Vlerësimin e Statusit Individual dhe Karrierën e Inspektorëve të ish-Këshillit të Lartë të Drejtësisë, miratoi statusin individual për 7 nga 9 inspektor të ish-KLD-së. Dy prej tyre do të trajtohen në mbledhjen pasardhëse.

Në vijim të mbledhjes, Këshilli pasi dëgjoi relatorin për verifikimin e kushteve dhe kritereve ligjore për rekrutimin e kandidatit nga radhët e juristëve të spikatur, për në Gjykatën e Lartë, vendosi skualifikimin e kandidatit z. Theodhor Sollaku. Kandidati ka të drejtën e ankimit në Gjykatën Administrative të Apelit, brenda 5 ditëve nga dita e njoftimit të vendimit të arsyetuar të Këshillit të Lartë Gjyqësor.

Në përputhje me rendin e ditës, Këshilli vendosi komandimin e znj. Tereza Lani (Merkaj) si pedagoge e brendshme, në Departamentin e Formimit Fillestar, të Shkollës së Magjistraturës.

Gjithashtu, Këshilli vendosi deklarimin e mbarimit të statusit të magjistratit, të gjyqtares Eneida Civici, për shkak të dorëheqjes nga detyra e gjyqtarit, si dhe konfirmoi si ndihmësmagjistrat në Gjykatën e Lartë të gjyqtarit Florjan Kalaja dhe zgjatjen e mandatit të komandimit me 1 (një) vit.

 

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 16/11/2019 - 21:29

Një aksident me pasojë vdekjen ka ndodhur pasditen e së shtunës në zonën e Kamzës, ku një automjet ka përplasur për vdekje një grua që po kalonte rrugën.

Postuar: 16/11/2019 - 19:40

"Air Albania Stadium" do të çelë nesër dyert me ndeshjen midis Kombëtares Shqiptare të

Postuar: 16/11/2019 - 17:55

Një grua në Tiranë ka mbetur e vdekur si pasojë e një aksidenti rrugor në rrugën “Demokraci

Postuar: 16/11/2019 - 17:10

Dy vëllezër në Tiranë kanë nxjerrë armët ndaj njëri-tjetrit, pas një konflikti për pronat.