“Kjo është pika më e nxehtë, do të shpërthejë vullkani”/ Ekzekutimet që tronditën shqiptarët këtë fundjavë, Klodiana Lala del me paralajmërimin ‘bombë’: Për t’i mbyllur gojën...

Gazetarja Klodiana Lala e ftuar sot në emisionin ‘Pikat mbi i’, komentoi ekzekutimin e 2 shqiptarëve këtë fundjavë, Bledar Muça, u vra në Belgjikë, ndërsa Ergys Dashi në Ekuador.

Gazetarja Klodiana Lala, tha gjatë fjalës së saj, se qëllimi i këtyre grupeve kriminale është që në pamundësi për të kapur krerët, ekzekutojnë ushtarët. Sipas Lalës kemi arritur në pikën më të nxehtë dhe pritet që në këtë aspekt të shpërthejë edhe vullkani. 

Lala: Kjo është pika e vlimit të grupeve kriminale shqiptare që përplasen fort edhe jashtë territorit shqiptar. Me sa kam kuptuar shikoj që grupet kriminale ekzekutojnë trurin e bandës. Në momentin që bie dy kryesuesit e grupit, vritet anëtari kryesor. Çdo sasi droge e kapur, e vjedhur, sepse ka grupe kriminale që rrojnë duke grabitur, kjo përkthehet në pasoja. Ata kanë arritur në pikën që po shpërthen dhe është pika më e nxehtë ku do të shpërthejë vullkani. Situata do të qetësohet kur të bien kryetarët e bandave, që nuk ndodhen në Evropë, por kryesisht strehohen në Dubai. Unë jam informuar nga një qytetar shqiptar në Belgjikë për vrasjen e një shqiptari. Mora informacione nga mediat në Belgjikë dhe mësova se viktima ishte Bledar Muça. I vetmi anëtar aktiv i grupit ishte Bledar Muça, ai kishte një pasaportë britanike dhe një pasaportë bullgare. Kontakti im i fundit me të ka qenë vitin e kaluar kur iu bë atentat Ardian Çapjas. Kam folur me të sepse duhej të raportoja pranë vilave Çapja. Ai kishte marrë në periferi të Belgjikës një shtëpi me qira. Ai jetonte aty prej 1 viti e gjysmë. Ishte në fillim në Britaninë e Madhe e më pas ka shkuar në Belgjikë. Ai ka qenë duke udhëtuar kur është qëlluar. Atë e kanë qëlluar me breshëri. Bledar Muça në vitin 2016 i shpëtoi një atentati. Florenc Çapja është arrestuar disa herë, është njeri problematik. Ndërsa Muça shpëtoi sepse ishin të blinduara xhamat. Sa herë ka një goditje dhe arrestim në grupet kriminale e preken krerët, ushtarët janë të frikësuar. Ai kishte shumë dritëhije si personazh. Bledar Muça kishte në duar të gjitha materialet që Çapajt disponojnë për kundërshtarët e tyre. Ai ka filmimet e masakrës së 3 shkurtit, kamerat e sigurisë të vilave Çapjat. Bledar Muça erdhi i armatosur në varrimin e Sokol Çapajt e policia nuk ndërhyri. Edhe pse i përfshirë në shumë krime, hakmarrja ndaj tij është për të mbyllur gojën e një njeriu që dinte shumë për grupin kundërshtar.