Klodiana Lala tregon provën e fortë për shpërthimin me tritol në shtëpinë e Armand Dukës: Është një fakt që mund të vërtetoj çdo gjë

E ftuar në emisionin TPZ për të folur mbi zhvillimet e bujshme mes Bashkisë së Tiranës dhe presidentit të FSHF-së, gazetarja Klodiana Lala, gjatë fakteve që solli për shpërthimin me tritol në shtëpinë e Armand Dukës, tha se pavarësisht pretendimeve që autori i dyshuar Arlen Hasanaj, thotë se nuk është fajtor, së fundmi ka dalur edhe një provë e fshehur nga ai, që ka të bëj me duart e djegura.

Nëse kjo rezulton të jetë e bërë gjatë asaj nate, nga shpërthimi i tritolit, kjo do të jetë provë e fortë e Prokurorisë së Durrësit.

“Pavarësisht pretendimeve që ka personi i arrestuar, prova më e fortë përveç pamjeve filmike ku shfaqet i njëjti person, është një djegie që autori i dyshuar ka në duar, prandaj është thirrur eksperti i Institutit të Mjekësisë Ligjore, për të verifikuar nëse është shkaktuar atë natë, dhe kjo është provë e forte e Prokurorisë”, tha Lala.