“Koncertin ma paska shtyrë Erdogani”/ Ben Blushi rrëfen ‘sekretin’ e artistit të njohur shqiptar: Me urdhër të kryeministrisë u ndalua…

Dren Abazi është nga 41 personazhët e librit “41 Sekrete” të autorit Ben Blushi. Artisti ka rrëfyer për Blushin një episod të ndodhur në Tiranë pak kohë më parë.

Ai shkruan se e ka takuar këngëtarin në sheshin Skënderbej në Tiranë ku do të mbante një koncert i cili më pas është shtyrë për shkak të faljes së Bajramit nga ana e besimtarëve myslimanë.

Shkrimi i Ben Blushit:

Qëllova në një lokal në mesnatë. Në Tiranë.

Ku je, Ben Blushi, tha Dren Abazi.

Këndo edhe pak për mua dhe miqtë e mi.

Shumë vonë, tha Dreni, e mbyllëm.

Nuk është shumë vonë, tani fillon nata, thashë unë.

Është ora 1 e natës, tha Dreni.

E po, unë po pi dhe një gotë, i thashë.

Mbase takohemi nesër, tha Dreni.

Nëse zgjohem herët, të bëj një zile dhe një foto, i thashë.

A pive shumë dje, pyeti Dreni.

Ishim te sheshi “Skënderbej”, ishte full, tha Dreni.

Pati një ngatërresë, koncerti u shty një javë.

Ne kishim njoftuar për datën 28 prill dhe u bë në 5 maj.

Last minute na njoftuan që koncerti shtyhet me urdhër të Kryeministrisë.

Po ç’punë kishin me koncertin tënd?

Ngaqë sheshi duhej të ishte gati për faljen e Bajramit.

Po Bajrami ishte në datën 2 maj, i thashë.

Po skena jonë ishte shumë e madhe dhe nuk do zhvendosej dot në kohë për të zbrazur sheshin.

Paske pasur konkurrencë, i thashë.

Nuk e di pse s’na njoftuan më herët, tha Dreni.

Këtë vit, Bajrami do falej në Xhaminë e Madhe, ngjitur me Parlamentin.

Atëherë, pse u falën në shesh, pyeti Dreni.

Sepse Xhamia e Madhe do inaugurohej nga Erdogani.

Pikërisht, thashë unë, meqë Erdogani nuk erdhi, Xhamia nuk u inaugurua dhe myslimanët u falën në sheshin “Skënderbej”.

Tani e kuptoj që koncertin ma paska anuluar Erdogani, tha Dreni.

E po, kështu i bie, tha Dreni.

Herë tjetër më fto mua në koncert, që të mos anulohet, thashë unë.

Po as ti s’më ke ftuar në festat e tua në Dardhë, tha Dreni.

Nga e di ti që kam bërë festa në Dardhë, e pyeta.

Ma ka thënë Ledio me Jonidën, tha Dreni, i kam miq.

Ou, Jonida na ka shpëtuar një herë në Dardhë, i thashë.

Pse, çfarë ndodhi, pyeti Dreni.

Ne kishim marrë një dj shumë të njohur, NU.

Nooo… NU është legendary, tha Dreni.

Po, por pas 5 këngëve, ai nuk mundi të luajë më.

Na shpëtoi Jonida, ajo luajti për ne dhe ishte fantastike, shumë më mirë se NU, thashë unë.

Jonida është një dj shumë e mirë, tha Dreni.

Po mua, a do më ftosh kur të bësh festë tjetër në Dardhë?

Mos m’i nxirr sytë në foto, se i kam të skuqur nga mbrëmë.

Mos e trego atë punën e katunarëve, tha Dreni.