BREAKING NEWS

Shëndetësia shqiptare promotore mediatike e koronavirusit që po ushtron terror mbi psiqikën e shqiptarëve nën regjinë e supernovës të Surrelit

Shëndetësia shqiptare promotore mediatike e koronavirusit që po
x

Aktualitet

Konfirmohen raste të reja në Durrës, ja për ku institucione bëhet fjalë

Konfirmohen raste të reja në Durrës, ja  për ku institucione

Tre nga katër rastet e reja me Covid-19, të konfirmuara ditën e sotme nga Ministria e Shëndetësisë në Durrës janë punonjëse të grupeve të Task Forcës AntiCovid.

Grupet e Task Forcës veprojnë në terren duke ushtruar kontrolle mbi subjektet e ndryshme për të monitoruar respektimin e masave mbrojtëse, por gjatë ushtrimit të detyrës, tre prej punonjëseve janë infektuar. Ato janë dy inspektore të Inspektoriatit Shtetëror Shëndetësor dhe një e Agjencisë Kombëtare të Ushqimit, pjesë e së njëjtës trupë inspektuese në terren.

Burime nga ISHSH bëjnë me dije se nuk janë ndërprerë kontrollet për të ndjekur situatën në terren. Grupet janë reduktuar dhe në lëvizje janë vetëm ata që e kanë kaluar dy herë me rezultat negativ testin, ndërkohë sot janë testuar punonjës të tjerë të Task Forcës që presin rezultatin. Sipas burimeve, pavarësisht masave nga shumë subjekte vihet re indiferencë dhe mosrespektim i masave mbrojtëse antiCovid.

Pas shërbimit epidemiologjik dhe kontrollit të sëmundjeve infektive, virusi prek dhe Task Forcën AntiCovid.