Koronavirusi në Shqipëri/ Ministria e Shëndetësisë publikon rastet e reja në 24 orët e fundit

Ministria e Shëndetësisë ka publikuar rastet me COVID-19 në 24 orët e fundit në vendin tonë, ku janë regjistruar 64 raste të reja dhe asnjë humbje jete.

COVID19/ Ministria e Shëndetësisë: 1,227 testime, 64 qytetarë të infektuar, asnjë humbje jete dhe 41 të shëruar në 24 orët e fundit

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqendruar, për t’u vaksinuar me dozën e tretë përforcuese, sipas rekomandimit të mjekut të familjes.

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 1,227 testime, nga të cilat kanë rezultuar pozitivë me COVID19, 64 qytetarë, në këto bashki:

28 në Tiranë, 10 Sarandë, 6 në Fier, 3 në Lushnje, Gjirokastër, 2 në Lezhë, Durrës, Delvinë, Sarandë, 1 në Tropojë, Korçë, Devoll, Elbasan, Belsh, Gramsh.

Janë 503 pacientë aktivë me COVID-19 në të gjithë vendin.

Aktualisht në spitalin COVID3 po marrin trajtim 16 pacientë, nga të cilët 1 është në gjendje më të rënduar. Në 24 orët e fundit nuk ka asnjë humbje jete.

Janë shëruar 41 qytetarë gjatë 24 orëve të fundit, duke e çuar numrin e të shëruarve në 269,828 që nga fillimi i epidemisë.

Statistika (02 Prill 2022)

Raste të reja ditore           64

Të shëruar në 24 orë        41

Të shtruar në spitale        16

Humbje jete në 24 orë      0

Testime ditore                   1,227

Testime totale               1,779,844

Raste pozitive                   273,823

Raste të shëruara             269,828

Raste Aktive                            503

Humbje jete                           3,492

Shpërndarja gjeografike e rasteve aktive sipas qarqeve:

Tiranë             253

Vlorë               62

Fier                  64

Gjirokastër      32

Durrës              21

Elbasan           19

Berat                12

Shkodër           12

Korçë               10

Kukës                8

Lezhë                 6

Dibër                  4