Kreshnik Spahiu bën paralajmërimin e frikshëm: Nëse SHBA dhe BE tërhiqen, sovraniteti i Kosovës...

Jursiti Kreshnik Spahiu tha për Euronews Albania se ngjarja e ndodhur në Veri të Kosovës është një ngjarje e rëndë e cila nuk u menaxhua siç duhet nga qeveria e Albin Kurtit.

Ai tha se pa mbështetjen e Bashkimit Europian dhe Amerikës, kryeministri i Kosovës, Albin Kurti nuk do të mund ta ruante sovranitetin e vendit asnjë ditë të vetme.

“Nëse tërhiqen Shtetet e Bashkuara të Amerikës dhe Bashkimi Europian nga kosova, për sa orë mund ta ruajë sovranitetit e vetë albin Kurti? Albin Kurti është i paaftë për të mbrojtur sovranitetin e Kosovës, pa mbështetjen e shteteve të Bashkuara të Amerikës dhe Bashkimin Europian. Ne luftuam për shekuj dhe nuk e fituam pavarësinë e Kosovës.

Ne e fituam pasi paraardhësi i Blinken derdhi lot, deri gjak dhe derdhi miliarda dollarë për pavarësinë dhe ndërtimin e shtetit të Kosovës. Tani na del një lider atje dhe na thotë se ne jemi sovranist. Nuk ka dëm më të madh se sovranizmi kundër SHBA-së dhe BE-së, ky është anti-shqiptarizëm dhe mision anti-kombëtar”,-tha juristi Kreshnik Spahiu.