“Kur ke zemër, ke dhe krahë!”/ Presidenti i Gjermanisë mbyll fjalën e tij në Kuvend, “porosia” për politikanët shqiptarë

Presidenti i Gjermanisë, Frank-Ëalter Steinmeier, i cili ndodhet në një viztë zyrtare dyditore në vendin tonë, po mban një fjalë përshëndetëse në Kuvendin e Shqipërisë.

Gjatë fjalës së tij Steinmeier foli për marrëdhëniet dhe bashkëpunimin kulturor mes dy vendeve, ndërsa tha se 70 mijë shqiptarë jetojnë në Gjermani dhe se volumi tregëtar ka arritur në 450 milion euro.

Steinmeier: Ky sulm që Putini e nisi në marrëzinë e tij imperaliste ishte për të vendosur një shtet me dhunë nën pushtetin e vet. BE nuk ka lejuar të përçahet prej këtij sulmi edhe shtetet e G-20-ës e bënë të qartë shkeljen e Rusisë. Edhe Shqipëria dëshmoi në OKB se është partner i besueshëm dhe tregoi që ne mund të mbështetemi te ajo. Nisur nga historia e vendit tuaj, është emocionuese të shohësh tashmë një vend të lirë që aspiron Bashkimin Evropian, Evropa gëzohet për ardhjen e Shqipërisë, ju falenderoj për rrugëtimin tuaj dhe ju lutem ta vazhdoni me durim dhe këmbëngulje derisa të mbyllet në mënyrë të suksesshme. E ndjej kur vij, zemra juaj rreh për Europën sepse siç thotë një shprehje e bukur, kur ke zemër ke dhe krahë, përzemërsisht faleminderit!