“Kush i ka dalë kundër tij, bie nga...”/ Shpërthen keq Dritan Shakohoxha dhe plas ‘bombën’ për Armand Dukën: Nga çfarë ka frikë?

Komentatori sportiv Dritan Shakohoxha u shpreh sot në emisionin ‘Shqipëria Live’ se kur mori vendimin për të kandiduar për kreun e FSHF-së, ai rrëfen se e kishte menduar që do e kishte të vështirë të mposhte Armand Dukën, por kurrë që manipulimi do të shkonte deri në këtë gradë.

Shakohoxha ka hedhur sot akuza të forta në drejtim të Dukës duke thënë se cili klub i ka dalë kundër e ka rrëzuar nga kategoria.

Ai thotë se Duka fsheh emrat e delegatëve që kanë të drejtë vote, për të bërë pikërisht atë që bëri me zgjedhjet në shoqatën e Tiranës, që futi persona të panjohur thjesht për të votuar, por që në të vërtetë nuk kanë asnjë lidhje me futbollin.

"Në zgjedhjet në Shoqatën e Tiranës erdhën disa njerëz për të fituar, u manipulua rezultati, 3 ditë para se të bëhet asambleja e Tiranës, kur konstatuan që nuk kishin kontrollin e votave, FSHF futi emra të panjohur. Prodani kishte numrat për të qenë kryetar i kësaj shoqate, por FSHF shtoi 15 anëtarë të rinj, vetëm për të votuar, njëri jeton në Mat, tjetrin Bilisht, emra që nuk kanë asnjë lidhje me futbollin. (...)  Unë do bëj seriozisht punën me njerëz të futbollit. Unë kërkoj emrat e delegatëve, kush voton, nuk i jep as përpara mbledhjes së asamblesë, as pas, po të kërkosh delegatët e Elbasanit, Durrësit nuk i tregon, çfarë fsheh, çfarë frike ka. Pse nesër do të zhvillohen zgjedhjet në Fier dhe nuk i di njeri emrat e delegatëve. Kanë frikë, se do thotë komuniteti "kush është ky", siç pati në shoqatën rajonale të Tiranës që kishte njerëz që nuk i njihnin. E dija që do kisha vështirësi, por nuk e disa që ishin kaq votofob. Nuk e kuptoj motivin. Pjesa më e madhe që duan të votojnë është frika. Më duhet frika si në 90 kur u përmbys diktatura komuniste. Më duket vetja si në atë situatë. Të gjithë kanë frikë sepse kush del kundër bie nga kategoria. Këta nuk të fusin në burg por të shkatërrojnë skuadrën. Kush kanë dalë kundër i kanë kërcënuar tani ta shihni çfarë do bëjmë me ju. Kush ka dalë kundër ka rënë nga kategoria. Hakmarrja për votën kundër është shumë evenimente. Nuk bashkëjetojnë dot me demkoracinë", tha Shakohoxha.

Ai thotë se Shoqatat Rajonale janë nën kontroll absolut nga Federata Shqiptare. Mjafton të thuhet se e email-et zyrtare të shoqatave, sipas Shakohoxhës, menaxhohet nga punonjës të FSHF-së të cilët kthejnë përgjigje në emër të tyre.

“Emailet e të gjithë shoqatave janë në FSHF. Asnjë prej drejtuesve nuk di të hapë emailet e shoqatave. Askush nuk di, FSHF dërgon emaile si të ishte shoqata rajonale”, tha Shakohoxha.