Profesori i njohur ironizon projektin e qeverisë: Trumbetohet Porti i Durrësit po s’ka studentë për mekanik detarë

Profesori Ilir Alimehmeti tha në një studio televizive se Porti i Durrësit trumbetohet, por në fakt s’ka studentë që duan të profilizohen si mekanikë detarë.

Ndërsa diskutohej për defektet e sistemit arsimor, mjeku u shpreh se studentët shohin tregun e punës dhe nuk ju intereson një degë specifike nëse nuk u sjell të ardhura të mira. Sipas tij, këto degë përzgjidhen duke parë dhe tregun e huaj kryesisht.

“Dikush që zgjedh profesionin ka nevojë që t’i japësh qëndrueshmëri këtij sektori 30-40-50 vjet sepse ai do të investojë jetën e vet aty. Më bëri shumë përshtypje, kemi një projekt shumë të madh, trumbetohet si një nga modernizimet më të mëdha Porti i Durrësit dhe unë pash mekanikën detare 5.5% dhe pash inxhinieri navale 8% në Vlorë, që do të thotë shumë qartë që ky vizion nga njerëzit po hidhet poshtë. Pra, nuk kuptohet si vizion i vërtetë. Pra, që do të zhvillohemi ne dhe njerëzit tanë do të punësohen,” – u shpreh Alimehmeti.