BREAKING NEWS

COVID-19 në Shqipëri/ Ministria e Shëndetësisë del me njoftimin e rëndësishëm, ja çfarë po ndodh

COVID-19 në Shqipëri/ Ministria e Shëndetësisë del me
x
BREAKING NEWS

“Rama kërkon të vrasë fjalën e lirë”/ Çfarë po paralajmëron Berisha: Brenda 6 muajve tre media...

“Rama kërkon të vrasë fjalën e lirë”/
x
BREAKING NEWS

Çfarë i kërkoi gruaja shtatzënë? Zbulohet LETRA e Sokol Halilit pak momente pas aktit të tmerrshëm (FOTO)

Çfarë i kërkoi gruaja shtatzënë? Zbulohet LETRA e
x
BREAKING NEWS

Berisha ‘bëhet lëmsh’, thërret demokratët në protestë më 4 dhjetor, e korrigjon Floriana Garo

Berisha ‘bëhet lëmsh’, thërret demokratët
x
BREAKING NEWS

“Nuk ka samit pa protesta, të tilla ndodhin vetëm në vendet diktatoriale”, Berisha bën thirrjen e fortë për 6 dhjetorin

“Nuk ka samit pa protesta, të tilla ndodhin vetëm në vendet
x
BREAKING NEWS

Surprizon moti në fundjavë, ja çfarë pritet të ndodhë

Surprizon moti në fundjavë, ja çfarë pritet të
x
BREAKING NEWS

Zbardhen detaje të reja nga laboratori i kokainës në Fier/ Si e kalonte ‘plehun’ në doganë djali i zyrtarit të PS-së, ja kush e shoqëronte

Zbardhen detaje të reja nga laboratori i kokainës në Fier/ Si e
x
BREAKING NEWS

Quajti “terrorist” Kurtin, opozita del me thirrjen e fortë drejt qeverisë: E papranueshme, Shqipëria të reagojë

Quajti “terrorist” Kurtin, opozita del me thirrjen e fortë
x

Aktualitet

“Ky është kulmi”/ Vdekja tragjike e aktorit shqiptar në SHBA dhe bashkëshortes së tij, Roland Bejko kap detajin dhe bën reagimin e revoltuar: Fëmijët kur të rriten...

“Ky është kulmi”/ Vdekja tragjike e aktorit shqiptar

Ish-sekretari për Çështjet Vendore të PD-së, Roland Bejko ka reaguar për ngjarjen tragjike në SHBA, ku aktori shqiptar Florind Belliu dyshohet se ka hedhur nga ballkoni bashkëshorten e tij dhe më pas është vetëvrarë.

Bejko shkruan se nëse kjo ngjarje ka ndodhur vërtetë sikurse po përflitet në media, është tepër e rëndë. Mirëpo për të akoma më i rëndë është edhe fakti që po i mëshohet vetëm faktit që ka vdekur një aktor shqiptar, ndërsa për bashkëshorten e tij, për të cilën thuhet se ishte edhe shtatzënë, nuk po flet askush.

Postimi i plotë:

Dy fjalë për vrasje/vetvrasjen e çiftit shqiptar në Neë York, dhe reagimet e "miqve" në rrjetet sociale.

====================

Padyshim, që në krye të herës dëshiroj t'u shpreh ngushëllimet e mia familjeve të dy të rinjve që humbën jetën në Neë York.

Ishte një ngjarje e rëndë dhe që mbart shumë dhimbje brenda, në çdo pikëpapje humane.

Por, në një media lexova që bashkëshortja 28 vjeçare e zotërisë që mesa lexova paska qenë aktor i larguar në Amerikë në kërkim të ëndrës së vet, ka qenë edhe shtatzënë.

Gjithnjë sipas mediave, thuhet se ai përpara se të vetvritej, hodhi nga dritarja e katit të gjashtë bashkëshorten e më pas u hodh edhe vetë. Që ta formulosh lajmin kështu, i bie që dikush ka qenë dishmitar në vendin e ngjarjes dhe ka treguar për policinë a për mediat gjithë skenën si ka ndodhur. Përndryshe, nëse është trillim i gazetarit, kjo zonjë a zotëri qoftë duhet të heqë dorë nga  profesioni pasi po bën një akuzë të rëndë për vrasje.

Po nëse ky lajm është i vërtetë,  ky aktori ynë, në kushte depresioni a jo, na paska bërë një krim të shumfishtë.

Së pari i mori jetën një nëne që nëse ka qenë edhe shtatzënë, vrasje bëhet edhe më tragjike.

Së dyti, ai ka bërë krim ndaj fëmijëve të vet të mitur. Mirë pa baba që i la,  por i privoi edhe nga e drejta natyrale për tu rritur nga një nënë.

Së treti, prindërve të vajzës u mori dritën e syve, u morri jetën e fëmijës së tyre të dashur duke u ngarkuar sot me një barrë të rëndë dhimbjesh.

Por përtej kësaj, ajo që unë nuk mund ta kuptoj dot në gjithë këtë histori, ka të bëjë me komentet plot dhimbje të shprehura nga miq, të afërm dhe të njohur të aktorit 35 vjeçar të cilët në shumicën e tyre me të drejtë vajtojnë humbjen e djalit, por nuk thonë asnjë fjalë për bashkëshorten e pafajshme të tij.

A thua se në vend të jetës së dy njerëzve të tjerë, nënës dhe fëmijës në barkun e saj, kemi të bëjmë thjesht me një zorë qore, me një  apendiks, zgjatim të zorës së shëndoshë, që me vdekjen e pjesës së mirë, ky apendiksi e ka për detyrë të vdesë bashkë me të si një proces normal anatomik.

Çfarë dreq njerëzish janë këta që mendojnë kështu ?!

Ky është kulmi i narcisizmit, si për atë që vret gruan edhe për këta që e pranojnë këtë vrasje si diçka të zakonshme, normale, a thua se gruaja ishte thjesht një copë nga lëkura e tij për të cilën ai dhe vetëm ai, burri, ka të drejtë të vendosë nëse do jetojë a do vdesë bashkë me të.

Jo aktor të ketë qenë i ndjeri, por vet yll i rënë në tokë, nëse është e bërtetë se është ai që e ka hedhur gruan e vet me fëmijën në barkun e saj nga dritarja, duhet trajtuar si kriminel, si vrasës ordiner, pavarësisht 1001 arsyeve që mund të ketë pasur për të qenë i mërzitur nga kjo jetë.

Vrasja e dikujt tjetër, për më tepër e nëns së fëmijve të tu, nuk ka justifikim, dhe ata fëmijë kur të rriten, pavarësisht dhimbjes për të si baba, me siguri nuk kanë për t'ia falur vrasjen e nënës shtatëzënë.