“Legjenda do kryejë një operacion të vështirë”/ Një nga parodistët e Vlorës në gjendje të rëndë shëndetësore, gazetari i njohur i revoltuar zbulon çfarë i ka ndodhur (FOTO)

Një nga parodistët e Vlorës, Mane Lumani është duke kaluar një gjendje të vështirë shëndetësore. Artistit të njohur i duhet të bëjë një ndërhyrje të vështirë kirurgjikale në zemër, por në pamundësi financiare në heshtje ka kërkuar ndihmë.

Në nëntor të vitit të kaluar ai kërkoi ndihmën e shqiptarëve për të dhuruar me aq mundësi sa të kishin, sepse familja vetë nuk i përballonte dot kostot. Mane Lumani nuk merr as pension special nga shteti, edhe pse i ka dhënë shumë vendit dhe popullit shqiptar.

Gazetari Ergys Alushi ka publikuar sot një foto me paradostin vlonjat dhe thotë se nga kërkesa për ndihmë, për të janë mbledhur vetëm 200 euro dhe 500 lekë. Bashkia e Vlorës e ka injoruar.

“Legjenda kryen një operacion të vështirë në datën 1 shkurt dhe ndihma e njerëzve për të ka qenë vetëm 200 euro dhe 500 lekë! Bashkia e Vlorës e ka injoruar kërkesën e “Mjeshtrit të Madh” për ndihmë financiare për të kryer operacionin! Legjenda nuk kërkon lëmoshë, por minimalisht respekt e mirënjohje në të gjallë për atë që ka dhënë me humorin e tij”, shkruan gazetari.