“Ma ke përgjysmuar dhimbjen”, babai i Klodian Rashës mbjell një pemë ulliri në kujtim të djalit të tij, kryebashkiaku Veliaj bën premtimin e madh: Sa të jem unë gjallë…

Familja e 25-vjeçarit Klodian Rasha ka mbjellë sot një pemë ulliri në Parkun “Europa”, Babai i Klodianit, i cili u vra nga një punonjës i Policisë së Shtetit, falenderoi kryetarin e Bashkisë së Tiranës Erion Veliaj, ku tha se ky i fundit ia ka përgjysmuar dhimbjen familjes së tij.

“Të falenderoj që ma ke përgjysmuar dhimbjen, kjo pemë do të shërbejë për brezat e ardhshëm”, u shpreh Qazim Rasha.

“Unë jam vetë baba, dhe ajo është një plagë që nuk mbyllet kurrë, por axha Qazim bëri një gjest mirënjohës, kur kërkoi që ne të mos e cënojmë qytetin tonë. Pa ndihmën tënde  ne nuk do të kishim mundur që të ruanim integritetin e qytetit. Sa të jem gjallë dhe sa të kem fuqi, do të insistoj që drejtësia të shkojë deri në fund, për tu siguruar që kjo nuk do të ndodhë më kurrë”, tha Veliaj.