Mblidhet Komiteti Teknik i Ekspertëve: Emergjente kryerja e dozës së tretë të vaksinës, rekomandohet mbajta e maskës në ambiente të mbyllura

Nisur nga situata epidemiologjike ku është vënë re një rritje e rasteve pozitive me Covid19, është mbledhur Komiteti Teknik i Ekspertëve, të cilët e kanë konsideruar emergjente kryerjen e dozës së tretë të vaksinës për uljen e pasojave dhe fataliteteve si dhe rekomanduan mbajtjen e maskës në ambiente të mbyllura. Mira Rakacolli, bëri apel në emër të Komitetit Teknik të Ekspertëve që të bëhet doza e tretë e vaksinës. “Komiteti fuqishëm bën apel për bërjen e dozave të vaksinimit, duke vazhduar me dozën e tretë ata që kanë bërë të dytën, duke vazhduar me dozën e katërt ata që kanë bërë të tretën. Sepse të gjithë qytetarët i kanë sot të disponueshme vaksinat e tyre në të gjitha qendrat shëndetësore të cilave ato iu përkasin”, deklaroi ai. Ndërkohë Komiteti i Ekspertëve ka rekomanduar mbajtjen e maskave aty ku nuk është e mundur të ruhet distancimi fizik.“Komiteti vazhdon rekomandon fuqishëm për të mbajtur maskën në ambientet e mbyllura, aty ku nuk mund të ruhet edhe distancimi social, sidomos kjo e vlefshme për personat të cilët janë me sëmundje, personat të cilët janë edhe të moshuar”, nënvizoi Rakacolli.