“Më ka marrë 20 milionë lekë, ua jep...”/ Burri akuzon gruan për vjedhje në Korçë, policia i gjen shumën e madhe të parave të fshehur dhe e vë në pranga

Një 41-vjeçare është arrestuar nga policia e Korçës pasi dyshohet se ka vjedhur një shumë parash në shtëpinë bashkëshortore në Voskopojë.

Sipas policisë A.N banuese në Korçë ka marrë nga shtëpia e përbashkët familjare në fshatin turistik Voskopojë një shumë parash që sipas bashkëshortit që ka bërë dhe denoncimin në polici kapin vlerën e 20 milion lekëve. Sipas tij, ajo paratë ua jepte të afërmve të saj.

Pas denoncimit të marrë blutë e Korçës kanë bërë dhe arrestimin e zonjës e cila i ka mohuar akuzat por policia pas kontrollit i ka gjetur rreth 2 milion lekë të fshehura të cilat dhe janë sekuestruar nga policia.

Ndërkohë materialet i kaluan Prokurorisë së Rrethit Gjyqësor Korçë, për veprime të mëtejshme.