Milaim Zeka bën reagimin e papritur: Albin Kurti një hipokrit i dashuruar me Edi Ramën! Ja çfarë po përgatitet

Gazetari Milaim Zeka ka komentuar qëndrimin e ngrohtë të Albin Kurtit me kryeministrin Edi Rama.

Zeka duke komentuar sjelljen e Kurtit tha se ai është një hipokrit i dashuruar me Edi Ramën.

Pjesë nga intervista në Top Talk:

Zeka: Për mua lajmi sot ishte dashuria e Kurtit ndaj Ramës, aq e thellë kjo dashuri sa mendova se Ramës do i binte të fiket nga kjo shprehje e dashurisë, kur i tha i dashuri Edi. Po unë e kam thënë se Kurti është abuzuesi i konferencës, lojtar ndjenjash i shqiptarëve, se fjalori i tij thuajse poshtërues ndaj Isa Mustafës deri në akuza për pro jugosllav ka qenë i tmerrshëm , por në momentin që u arrit koalicioni ky i tha i dashuri profesor, të njëjtën lojë e bëri sot me Ramën.

Dyrnjaja: A mendon se fituesi në këtë lojë është Edi Rama e cili ka arritur të manipulojë edhe Albin Kurtin?

Zeka: Ishte një futje e Edi Ramës ndaj Albin Kurtit , i cili sot publikisht u gjunjëzua para Edi Ramës dhe dëshmoi atë që kam thënë që Edi Rama për Albin Kurtin është një buldozer i politikës së jashtme në arenën ndërkombëtare dhe avash avash Edi Rama në Open Balkan do të përfshijë edhe Malin e Zi , Kosovën e Albin Kurtin dhe Bosnje Herzegonivinën.