Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Mira Kazhani del blof, flasin familjarët e 17-vjeçarit që shtypi me makinë

Postuar: 16/04/2019 - 08:59

Janë zbuluar detaje nga gjendja shëndetësore e Nertil Pëllumbit, 17-vjeçarit të aksidentuar në rrugë nga makina me të cilën po udhëtonte gazetarja Mira Kazhani.

Burime bëjnë me dije se 17-vjeçari ndodhet në Spitalin e Traumës dhe gjendja e tij shëndetësore është e rëndë. “17 vjeçari ndodhet në koma, në reanimacionin e këtij spitali”, shkruan fax news.

Nertil Pëllumbi ka dëmtime të mëdha në mushkëri dhe sipas familjarëve të tij ai është identifikuar prej tyre tre ditë pas aksidentit.

Sipas tyre, Nertili ka 9 ditë që ndodhet në reanimacion dhe po lufton për jetën.

Sipas familjarëve të cilët nuk kanë pranuar të flasin para kamerave, nuk kanë pasur asnjë kontakt nga gazetarja Mira Kazhani, duke përgënjeshtruar kështu deklaratat e gazetares. Ata thanë gjithashtu për Fax News se përpara se të mbanin një qëndrim publik do të flisnin më parë me autoren e aksidentit. Në spital vihej re prezenca e shtuar e familjarëve të cilët që prej ditës kur kanë marrë lajmin, i kanë qëndruar pranë 17-vjeçarit.

Ndërkohë, Mira Kazhani ka reaguar për herë të parë pas aksidentit vetëm ditën e sotme ku duke ju përgjigjur akuzave të ish-kryeministrit Berisha, shprehet bdër të tjera: “Nertili ka pasur çdo ditë në spital shërbimin maksimal të mjekëve. Ka pasur tim atë e familjarët e mi, në mungesë të të tijve, që nuk po gjendeshin.

Dhe sot ka një shpjegim: Policia nuk arrinte dot ta identifikonte, pasi ishte një fëmijë fatkeq, i braktisur, i një familjeje me problemet e saj, të cilët as nuk e kanë regjistruar në gjendje civile. Shenjat e gishtërinjve të tij nuk ekzistonin”, .

Në një status në FB ish-kryeministri Berisha ka denoncuar përpjekjet e policisë dhe shtetit për të fshehur aksidentimin me makinë të 17-vjeçarit nga gazetarja Mira Kazhani.

Berisha thotë se identiteti i tij u mbajt i fshehur për një javë nga familjarët, të cilët nuk dinin asgjë për fatin e tij.
“Të premten që kaloi ata bënë denoncimin në narkopolici për djalin e tyre si të humbur. Vetëm ditën e shtunë duke pyetur me të njohur në Spitalin e Traumës ata arritën të gjejnë njeriun e tyre në gjendje tejet të rëndë. Familjaret akuzojnë Mira Kazhanin se ajo aksidentoi me rrota të para dhe në gjendje të dehur djalin e tyre“, shkruan ndër të tjera Berisha.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/06/2019 - 17:36

Imzot George Frendo  ka dalë ditën e sotme në një deklaratë të jashtëzakonshme ku i bën thirrje palëve politike të bëjnë paqe dhe të ulen në dialog, përndryshe do mbajnë përgjegjësi për dëmin që do i shkaktojnë v

Postuar: 20/06/2019 - 17:17

Shqipëria po përjeton tensione politike nga veriu në jug, ndërsa zgjedhjet vendore të 30 qershori

Postuar: 20/06/2019 - 17:06

Një skenë e denjë për filma aksion mund të quhet atentati i sotëm , në zonën e ish-kënetës në D

Postuar: 20/06/2019 - 16:58

Të vendosur në superstradën Lezhë-Shkodër, në kryqëzimin e Dajçit, militantët e PD të cilët syn

Postuar: 20/06/2019 - 16:55

Disa militantë të PD janë mbledhur në superstradën Lezhë-Shkodër për të bllokuar kalimin e kryemi

Postuar: 20/06/2019 - 16:46

Kandidati i pavarur për Bashkinë e Devoll Fezi Shaholli, ka denoncuar dhunimin e kreut të grupsek

Postuar: 20/06/2019 - 16:32

Ish-drejtuesi i lartë i  Policisë së Shtetit, Mit’hat Havari ka reaguar pas deklaratës