Moment emocionues/ Mjeku i njohur shqiptar në SHBA bëhet baba pas 32-vitesh pritjeje, i vendos një emër ilir të birit: Jam shumë i lumtur! (FOTO)

Mjeku i njohur shqiptar, Skënder Murtezani, i cili punon dhe jeton në SHBA, 5 ditë më parë ëhstë bërë baba pas 32-vitesh pritjeje.

Lajmin e ëmbël e ka dhënë vetë doktori përmes një postimi në ‘Facebook’.

“Dje në Flushing Queens në spitalin NYPQ Lindita ime lindi Bersant Murtezanin tone. Mire se na erdhe shpirti jonë”.

Mirëpo, sot në një lidhje me Skype për ‘ABC e Mëngjesit’, ai ka zbuluar disa nga ndjesitë dhe emocionet e këtij momenti.

Murtezani ka treguar se i biri ka ardhur në jetë nga martesa e tij e dytë me Linditën, e cila është nga Korça.

“Jam shumë i lumtur se kështu është bërë një kombinim. Ajo është nga Korça dhe është rritur në  Tiranë, unë nga Tetova”, tha ai.

Më tej, doktori ka deklaruar se emrin e djalit e ka zgjedhur nga ilirët, Bersant dhe është mirëpritur nga stafi mjekësor ku punon në SHBA.