“Në këtë vend nuk ia vlen të jetosh asnjë ditë” gazetari ngre alarmin dhe lëshon thirrjen e fortë instancave: Të luftohet krimi, po përsëritet ngjarja, njëjtë si atentati i Don Boskos, ka vdekur hallexhiu

Gazetari i njohur, Hysni Gurra ka reaguar ashpër në lidhje me sulmin ndaj TCH ku mbeti viktimë Pali Kola, roja  i sigurisë.

Nëpërmjet një reagimi në rrjetet sociale, Gurra shkruan se nëse sulmi lidhet me "Big Brother" ky vend është çmendur tortalisht, nëse lidhet me çështje politike, konkurrence apo pazare, atëherë duhet luftuar, duke e konsideruar turp për çdo shqiptar që qëndron indiferent ndaj një situate të tillë.

Gjithashtu Gurra e ka krahasuar këtë ngjarje me atentatin në lokalin në Don Bosko.

“Sulmi ndaj 'Top Channel' nuk ka asnjë ndryshim nga sulmi ndaj lokalit në Don Bosko. Atje vdiq hallexhia (banakierja), këtu ka vdekur hallexhiu, roja.

Pra, si sulm në vetvete është krejt normal për një vend që sundohet nga një pushtet mafioz dhe i kriminalizuar deri në palcë.

Zoti u dhëntë durim familjarëve të personit që ka humbur jetën.

Tani, nëse motivet e sulmit lidhen me 'BB', ky vend është çmendur totalisht dhe nuk ia vlen të jetosh më asnjë ditë këtu.

Nëse motivet lidhen me çështje politike, konkurrence, pronësie/pazaresh këtu duhet ndenjur, duhet luftuar dhe turp për çdo shqiptar që tregohet indiferent ndaj një situate të tillë”, ka shkruar Gurra.