BREAKING NEWS

Vetëflijimi, ekspertët ngrenë alarmin pas ngjarjes në Kombinat: Të thellohet hetimi!

Vetëflijimi, ekspertët ngrenë alarmin pas ngjarjes në
x

Aktualitet

‘Në kohën e luftës i pritëm si vëllezër, tani as për vdekje s’po na lënë të kalojmë’, revoltohen keq qytetarët në kufirin me Kosovën

‘Në kohën e luftës i pritëm si vëllezër,

Teksa Shqipëria ndodhet në ditën e dytë të hapjes së kufijve,Kosova duket se po bën të kundërtën, duke nxjerrë vështirësi në qarkullimin e shtetasve shqiptarë.

Sipas një komunikate nga Qendra Kombëtare për Menaxhimin Kufitar, asnjë person nuk lejohet të futet në territorin e Kosovës, nëse nuk ka bërë testin e Covid-19 gjatë katër ditëve të fundit, nga momenti që ata kërkojnë të hyjnë.

Në pikat kufitare kërkohet të bëhet tamponi për çdo shtetas që dëshiron të futet në Kosovë, ndërkohë që hyrja në territorin e Shqipërisë kushtëzohet vetëm nga matja e temperaturës.

Kjo gjë ka shkaktuar indinjatë tek qytetarë të shumtë, të cilët në disa intervista për Report Tv kanë shprehur shqetësimin e tyre.

Një qytetar tha:

Më ka kthyer dy herë, kërkojnë tampon, bën 30 euro më thotë,por nuk ka ku e merr shteti, unë vij nga Tirana, me qenë ma kishte bërë shteti.
Një tjetër tha gjithashtu:

Ne punojmë në Kosovë, në prishtinë, jemi bllokuar tani.Tani e morëm vesh se duhet testi, s'dinim gjë.Sot na thanë lejohet, por doli e kundërta.
Një i tretë shtoi:

Nuk po na lejojnë,kemi dy raste vdekjeje, djali dhe vajza e dajës,erdhëm nga Tirana me tre makina,por nuk na lejojnë, kërkojnë tamponin.Na thanë po presim urdhër tjetër.
Kryeminstri tha mbrëmë se në Kosovë është hequr izolimi, por tamponi vazhdon ende të kërkohet.