Aktualitet

“Nga moderatorja ishte provokim”/ Një debat i zjarrtë mes Bujar Kapexhiut dhe gazetarit të njohur që bëri shumë zhurmë, aktori i njohur pendohet: Mund të ishte ndryshe, por më erdhi e papritur

“Nga moderatorja ishte provokim”/ Një debat i zjarrtë mes

Mes aktorit të njohur, Bujar Kapexhiut, dhe gazetarit Mustafa Nano ka pasur një debat të zjarrtë dhe bëri xhiron e mediave në lidhje me besimin apo mosbesimin ndaj fesë.Nano u tregua skeptik në lidhje me besimin ndaj një imazhi, ndërkohë që Kapexhiu iu përgjigj tekstualisht “Nëse do të më fyesh gjënë e shenjtë, unë të vras. Nëse Muçi është i pafe të mbajë atë të tijën por nuk duhet të fyej atë që do filani. Marrin guximin dhe e vizatojnë në karikaturë.”

Mbrëmjen e djeshme Bujar Kapexhiu ka qenë i ftuar në PolitikOn me Alfred Lelën, teksa është shfaqur i penduar për fjalët e tij. Artisti ka thënë se në atë moment mund të ishte shprehur ndryshe, por fjalët i kishin ardhur papritur.

Alfred Lela: Ka pasur një debat që ka bërë shumë zhurmë një debat shumë i diskutuar me Mustafa Nanon, diçka për fenë?

Bujar Kapexhiu: Unë do thoja që dhe nga moderatorja ishte  një lloj provokimi.

Alfred Lela: A do e karikaturonit ju profetin Muhamed?

Bujar Kapexhiu: Unë jo, sepse ai sot nuk është si figurë nuk ekziston secili mysliman e ka në mendjen e tij sesi është figura e profetit Muhamed. Le ta mendojë secili ashtu siç do. Por unë nuk jam dakord që në një moment të caktuar ata e vizatonin dhe e vendosnin në pozicion shumë vulgar.

E denigronin, e fyenin, e vendosin në pozicione të cilat profeti Muhamed pikërisht për ato pozicione që ata karikaturistë e kanë vendosur, ka predikuar. Të mos vjedhim, të mos vrasim, të jemi të mirë, ti duam njerëzit siç janë të gjitha shkrimet e profetit Muhamed.

Kurse ata e bënin në të kundërt, përse. Unë njerëzit, personazhet politikanët, që janë reale nuk i fyej nuk i denigroj.

Alfred Lela: Ke folur me Mustafanë pas kësaj?

Bujar Kapexhiu: Jo nuk e kam takuar, do kisha shumë dëshirë ta takoja. Jemi shumë miq kam bërë dhe disa karikatura në kuptimin pozitiv.

Batuta ime në atë çast mund të ishte ndryshe, por më erdhi e papritur. Nëse Mustafa Nano do të fyente një gjë te shenjtë fare mirë mund të thuhej që ai është aq njerëzor e aq i mençur sa të denigrojë një profet

Më të lexuarat