Nipi i deputetit të Kuvendit ishte pjesë e Forumit Rinor të Partisë Demokratike, ja fjalët e fundit të 22-vjeçarit. Zbardhen detajet si ndodhi tragjedia dhe kush ishte prezent

Armando Kazma po luante futboll me babain e tij dhe vëllain e vogël kur hekurat e kalçetos i ranë sipër, pas një stuhie ere dhe shiu.

Bëhet me dije se 22-vjeçari ka thënë “më ndihmoni” dhe në momentin kur është nxjerrë nga zjarrfikësit ka pasur shenja jete, por s’ka mundur të mbijetojë, duke ndërruar jetë rrugës për spital.

Në momentin kur ranë hekurat e kalçetos, në fushë kanë qenë rreth 20 persona që po luanin dhe është ndërprerë energjia elektrike.

Dy persona të tjerë kanë mbetur të plagosur, roja i kalçetos i cili ka marrë dëmtime në trup e frakturë në brryl dhe është nisur për mjekim të specializuar në Tiranë, si edhe një  22 vjeçar, i cili ka marrë dëmtime të lehta në trup dhe u trajtua në spitalin e Sarandës.

Pronari i objektit dhe punonjësit janë shoqëruar në polici ku janë marrë në pyetje dhe më pas janë lënë të lirë, pasi ngjarja është konsideruar si “fatkeqësi natyrore”.

Nipi i deputetit demokrat, Luan Baçi, njihej si një djalë i urtë në Sarandë dhe ishte pjesë e Forumit Rinor të Partisë Demokratike.

Nëna e tij punonte si mësuese ndërsa i ati kishte biznes.