Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Nishani e Basha urojnë besimtarët myslimanë për Muajin e Ramazanit: Agjërim të lehtë dhe të pranuar

Nishani e Basha urojnë besimtarët myslimanë për Muajin e Ramazanit: Agjërim të lehtë dhe të pranuar

Postuar: 09/07/2013 - 12:55

Presidenti Bujar Nishani, ka uruar sot të gjithë besimtarët myslimanë shqiptarë, për një Ramazan të lehtë. Me anë të një mesazhi drejtuar besimtarëve, kreu i shtetit bën me dije se Ramazani është një akt i lartë religjioz dhe human, me përmasa kolosale.

“Ju përshëndes me shumë dashuri dhe respekt sot në ditën e parë të Ramazanit. Ramazani ndërthur shenjtërisht sakrificën materiale, me lartësimin shpirtëror. Duke qenë gjithëpërfshirës dhe universal, efektet dhe dobitë e Ramazanit, paqja, purifikimi, lartësimi, mbarëvajtja, janë të shkrira brenda tij në një mënyrë harmonike të përsosur,  brenda një diapazoni mahnitës, që përfshin gjithçka njerëzore, nga aspekti shpirtëror në atë utilitar, nga secili besimtar veç e veç, tek i gjithë komuniteti bashkërisht”, deklaron Nishani.

“Mesazhet që përcjell riti i Ramazanit, janë nga më madhështoret. Kthimi i vështrimit nga vetja, uria dhe etja dhe në përgjithësi vuajtjet materiale, janë vuajtje provizore që shpërblehen. Vazhdimi i ekzistencës bëhet vetëm përmes mbajtjes gjallë të shpresës, e cila, nga ana e vet, ushqehet nga dhimbjet e sakrificës. Ndjenja e mëshirës dhe dashurisë për të gjithë njerëzit njëlloj. Largimi i brengave. Harrimi i kujtimeve të hidhura. Ramazan të lehtë të gjithëve", përfundon mesazhin Nishani.

Basha uron besimtarët: Agjërim të lehtë dhe të pranuar

Kryetari i Bashkisë së Tiranës, Lulzim Basha, ka përcjellë urimet për një agjërim të lehtë dhe të pranuar, kundrejt të gjithë besimtarëve myslimanë të Tiranës dhe mbarë Shqipërisë.

 “Të dashur besimtarë myslimanë, ju uroj në këtë muaj të shenjtë, agjërim të lehtë dhe të pranuar, lumturi, paqe dhe harmoni në çdo familje shqiptare! Uroj që sakrifica fisnike dhe hyjnore e këtij muaji, të shndërrohet në dritë dhe mbarësi për të gjithë agjëruesit, familjet dhe vendin tonë! Ramazani është muaji që kultivon paqen, mirëkuptimin e respektin, ndaj uroj që ky muaj i shenjtë i Ramazanit, të shërbejë për rritjen dhe forcimin e solidaritetit e të dashurisë, ndërmjet njerëzve!”, thekson Basha.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 05/12/2019 - 23:25

Inxhinieri Markel Baballeku është shprehur kritik në lidhje me prishjen e disa godinave të prekura nga tërmeti.I ftuare në emisionin Open, inxhinieri tha se se duhen tre muaj për të arritur në konkluzione nëse godinat

Postuar: 05/12/2019 - 23:06

Inxhinieri Arben Meçe ka shpërthyer me akuza ndaj Spartak Ngjelës.

Postuar: 05/12/2019 - 22:59

Kuvendi ka zgjedhur sot Kryeprokurorin e ri të Përgjithshëm, Olsian Çela.

Postuar: 05/12/2019 - 22:49

Në Tiranë, profesori i njohur i ekonomisë, Arben Malaj, tha se ka pritur prej 7 muajsh që të thir

Postuar: 05/12/2019 - 22:45

Inxhinieri Arben Meçe ka habitur me deklaratën e tij  teksa shprehet se 99 % e objekteve që

Postuar: 05/12/2019 - 22:38

Profesorja e inxhinierisë së ndërtimit, u pyet nga Mirela Milori për akuzat e Bashkim Koplikut.

Postuar: 05/12/2019 - 22:25

Analisti Fatos Lubonja iu drejtua me një pyetje live inxhinieres Luljeta Bozo, që ka bërë bujë kë