Një tjetër ngjarje e rëndë/ Autobusi me pasagjerë del nga rruga tek ‘Kthesa e Murrashit’ në Librazhd, pak ditë më parë në të njëjtin vend humbën jetën 3 persona

Një tjetër ngjarje e rëndë ka ndodhur këtë të hënë në Librazhd, ku një autobus me pasagjerë ka dalë nga rruga në vendin e quajtur ‘Kthesa e Murrashit’.

Aksidenti ka ndodhur pikërisht në të njëjtën kthesë ku pak ditë më parë, një mjet përfundoi në lumin Shkumbin dhe humbën jetën 3 persona.

Ndërkohë autobusi me pasagjerë për fat të mirë ka dalë nga rruga duke shmangur rënien në greminë.

Mësohet se deri më tani nuk raportohen të lënduar nga aksidenti që ka shkaktuar tmerr e panik tek pasagjerët.