"Njerëzit i duken si miza", deklarata e fortë e Hajdarmatajt: Nano nuk kishte dorë të lirë, Rrumbullaku ka mbështetje të fortë

Ish-drejtuesi i policisë Arben Hajdarmataj ka komentuar sulmet kibernetike të ndodhura në Shqipëri.

Hajdarmatj shprehet se problemet me sigurinë kiberneteike kanë ndodhur që para zgjedhjeve të 25 Prillit, por që Policia e Shtetit nuk i kushtoi vëmendjen e duhur.

 “Problem i patronazhistëve, që në atë kohë kanë nisur problemet me hakerat. Policia e shtetit e neglizhoi dhe ngeli në parametrat e rutinës që ka policia e shtetit dhe s’u shkoi mendja që mund të ndodhë diçka e tillë edhe në sistemet e policisë. Në policinë e shtetit është prishur zinxhiri i punës”, tha Hajdarmataj.
I ftuar në emisionin Radari Informativ, Hajdarmataj tha se gjëja më e keqe që ka ndodhur në Policinë e Shtetit është humbja e besimit në strukturën policore.

Ndër të tjera thekson se drejtori i ri ka një mbështetje aq të fortë politike sa njerëzit aty i duken si miza.

“Policia punon për parandalimin e aktivitetit kriminal. Është shkëputur, nuk jep askush informacion as nga qytetarët as nga policia e shtetit. Brenda policisë së shtetit është katastrofe puna apo besueshmëria mes tyre. Drejtori ka dhe një mbështetje të fortë politike sa njerëzit aty i duken miza”, u shpreh ish drejtuesi i policisë. 

Ai shton se Muhamet Rrumbullaku ka një mbështetje të lartë politike, ndërsa Gledis Nano, nuk ka pasur dorë të lirë për të vepruar siç ai do të donte.

“Rrumbullaku ka mbështetje të lartë politikë…Te emaili që Nano ka çuar tregon si është situata katastrofë, nuk mendoj se është jashtë loje sepse është drejtor, këtë pyetje duhet t’ia bësh fillimisht vetes dhe pastaj të organizosh një strategji mbi këtë pyete. Nano s’ka pasur dorë të lirë dhe nuk ka mundur të veprojë siç ka dashur”, tha ai.