"Nazmi fajdexhiu"/ Grabitja e biznesmenit të njohur në Krujë, zbardhen detajet e reja, ja nga mendohet se janë autorët dhe strategjinë që përdorën ata për të hyrë në banesë

Detaje të reja janë zbardhur nga biznesmenit Nazmi Çangu nën kërcënimin e armëve në Nikël të Fushë-Krujës.

Sipas burimeve mësohet se 10 grabitësit iu paraqitën si polici dhe u futën në banesë në orët e para të ditës së dielë, duke e kërcënuar dhe prerë gishtin e vogël për shkak se nuk ia dha çelësin e kasafortës.

Mendohet se grabitësit ishin nga zona e Kurbinit apo dhe Krujës. Kjo ishte konstatuar nga e folura e tyre sipas familjarëve të biznesmenit. Madje disa prej tyre iu drejtonin me emra fëmijëve çka tregon se i njihnin dhe gjithçka ka qenë e mirëorganizuar.

Komuniteti i zonës e njeh si “Nazmi Fajdexhiu” për shkak të dhënies së shumave të parave dhe eurove me fajde, tek persona të ndryshëm. Emri i tij ka dalë dhe tek dosja e “Shullazit”.

Kjo pasi bashkëpunëtori i prokurorisë në procesin gjyqësor kundër Shullazit dhe 4 personave të tjerë, Ylvi Beqja, ka pasur një marrëdhënie fajdeje me Nazim Çangun, ku Beqja i ka marë Çangut një shumë financiare borxh.

Për këtë fakt, Nazmi Çangu, është paraqitur në gjykatë si dëshmitar i të pandehurve, duke pretenduar se Ylvi Beqja i kishte marrë sasinë e eurove dhe nuk ja kishte kthyer më.

Por Nazmi Çangu, është proceduar në vitin 2011 për akuzën e “Plagosjes së lehtë me dashje”, vepër penale që më pas është pushuar nga gjykata.