Nuk ishte shkak trafiku i drogës? Hetimet mbi ekzekutimin e 28-vjeçarit në Astir marrin kthesën e papritur, mësohet arsyeja e vërtetë pse Vilson Tafçiu u vra nga shoku i tij

Kanë kaluar rreth 24 orë nga vrasja që tronditi kryeqytetin mbrëmjen e djeshme.

28-vjeçari, Vilson Tafçiu, u vra në rrugën “Teodor Keko” në Astir, pasi u qëllua me tre plumba.

Tafçiu ishte arrestuar më 2018 nga policia franceze për “Trafikim të lëndëve narkotike”.

Ndërkohë, sot u bë me dije se ai kishte qenë në hetim prej kohësh nga sektori i narkotikëve, i dyshuar se ishte pjesë në trafikun e drogës në Tiranë.

Me këtë fakt u lidh edhe vrasje e tij, teksa u tha se motivi i ngjarjes mund të ketë qenë trafiku i lëndëve narkotike.

Në kërkim është shpallur vetëm shtetasi me iniciale N.D., i afërm i viktimës.

Mirëpo, së fundmi pista e hetimeve ka ndryshuar.

Duket se një trekëndësh dashurie është bërë shkak i ngjarjes së rëndë.

Burime jozyrtare bëjnë me dije se i riu është vrarë nga shoku i tij.

Ky i fundit ka qenë në lidhje me një vajzë për disa kohë.

Por, pas ndarjes nga shoku i Tafçiut, vajza shoqërohej me 29-vjeçarin. Kjo ka bërë që dy shokët të konfliktoheshin. Mbrëmjen e djeshme, Vilson Tafçiu shoqërohej nga dy femra ende të paidentifikuara.

Nuk dihet nëse vajza në fjalë është njëra prej tyre./gazetareforma