"Nuk shkoj më tutje, e pamundur ekonomikisht", pedagogu i njohur bën ironinë therrëse ndaj sistemit arsimor: T’i them familjes rrini pa bukë se hamë titullin

Pedagogu Ndriçim Mehmeti ironizoi në një intervistë televizive sistemin arsimor.

Ai kujtoi se pritej rritje e madhe nga kuotat e mbrojtura, gjë që nuk po ndodh.

“E kemi shkatërruar arsimin në tre elementë kryesorë. Në financimin e tij që e kemi më të dobët dhe se Mali i Zi e Kosova, nuk po shkoj më tutje, te Estonia e këto se është turp, nuk futemi dot. Së dyti ne nuk kemi një ofertë pune. Dua të bëhem studiues në fushën e albanologjisë. Ne jemi të gjithë këtu, pjesa më e madhe të fushës akademike.

Unë dua 5 mijë euro të promovohem, pjesëmarrje nëpër kongrese, se s’na i paguan njeri, do t’i paguaj nga xhepi. Tani si mendon ti? Do t’i them unë familjes, rrini pa bukë ju derisa të marr titullin unë se pastaj do hamë titullin tim. Ka njeri që të fal 5 mijë euro? Unë kam stopuar në këtë titull që kam dhe jam mirë, nuk shkoj më tutje sepse është e pamundur,” – u shpreh Mehmeti.