“Nuk u zbatua leja e ndërtimit për një pallat të dëmtuar nga tërmeti”/ Gazetarja zbulon detaje për operacionin në Durrës: Firma e Dakos ishte...

Gazetarja Klodiana Haxhiaj ka zbuluar përmes një komunikimi të drejtpërdrejtë detaje nga urdhri për arrestimin e Vangjush Dakos dhe ish-zyrtarëve të tjerë të bashkisë së Durrësit.

Sipas saj ka pasur prej disa ditësh fjalë për arrestimin e Dakos në qytetin bregdetar, ndërsa zbuloi se bëhet fjalë për një pallat të ndërtuar me leje, e cila pas marrjes në dorëzim pas tërmetit të vitit 2019 nuk është zbatuar.

Po ashtu u zbulua se pallati u mor në dorëzim gjatë kohës që Dako shërbente si kryebashkiak, ndërsa të përfshirë kanë qenë dhe ish-drejtori i Urbanistikës në bashki dhe specialistë të tjerë, disa prej të cilëve kanë vijuar punën në këtë institucion edhe pas kësaj vepre.