Operacioni i SPAK/ Masat për Matën dhe Breçanin, gazetari i njohur zbardh akuzat e forta që rëndojnë ndaj anëtarëve të grupit kriminal

Mbrëmjen e djeshme në orët e vona SPAK lëshoi 11 urdhër-arreste, në fokus të hetimeve ndaj një grupi të struktuaruar kriminal, ku katër prej tyre janë ekzekutuar deri tani.

Mbi 11 të dyshuarit janë ngritur akuza për pastrim parash, grup i strukturuat kriminal, trafik dorge, sigurim kushtesh për të kryer vrasje, shpërdorim detyre dhe përkrahje e autorit të krimit.

Gazetari Eni Ferhati bën me dije se lëshimi i urdhër-arresteve erdhi pas zbërthimit të mesazheve nga aplikacioni i koduar “SKY ECC“.

“Operacioni i radhës i Prokurorisë së Posaçme vjen në kuadër të zbardhjet së transkiptimeve të ardhura nga autoritetet franceze mbi zbërthimin e rrjetit të enkriptuar Sky Ecc.

Në kuadër të këtyre hetimeve një prej këtyre fraksioneve ka çuar në zbërthimin e këtij grupi të dyshuar kriminal në përbërje të të cilit kanë qenë ish-zyrtarë të lartë policor, oficer aktual dhe pjesëtarë të krimit të organizuar.

Hetimet për grupi kriminal janë duke nisur nga trafiku i drogës, përkrahje e autorit të krimit, sigurimi i kushteve për të kryer vrasje, pastrim parash dhe akuza të tjera si Shpërdorimi i detyrës”, tha Ferati.

Në kuadër të operacionit është arrestuar ish-zëvendës drejtori i Policisë së Tiranës, Erzen Breçani dhe djali i tij Eralbi Breçani te cilet akuzohen për përkrahje të autorit të krimit dhe pastrim parash.

Po ashtu, është arrestuar edhe Shefi i Krimeve në Komisariatin numër 6, Dedan Gjoni. Ndaj shefit të krimeve janë ngritur disa akuza për vepra të rënda penale, një prej të cilave është ajo e sigurimit te kushteve për të kryer vrasje. Një ndër punonjësit e policisë që është shoqëruar është edhe Jonida Babameto, oficere e Drejtorisë së Kufirit dhe Emigracionit.

Në kërkim në kuadër të këtij operacioni që duket se është faza e dytë e operacionit “Metamorfoza”, është edhe biznesmeni Ervin Mata, një emër i njohur për drejtësinë, pas përplasjes që ka patur me, Ervis Martinaj.

7 nga 11 emrat për të cilët janë lëshuar masa sigurie:

Besmir Mustati

Bujar Germizi

Erzen Breçani

Dedan Gjoni

Eralbi Breçani

Ervin Mata

Jonida Babameto