"Opozita, në luftë me pushkë druri", Artan Hoxha "zbërthen" lëvizjen e Ramës: E kanë këshilluar të shmangë deklarimet

Gazetari Artan Hoxha thotë se opozita po ndjek strategjinë e gabuar në lidhje me skandalin McGonigal. Në emisionin “Të Paekspozuarit”, Hoxha tha se opozita nuk fion asgjë duke prishur seancat në Parlament. Lidhur me shmangien e interpelancës nga kryeministri Rama tha se atë e kanë këshilluar të ndjekë një strategji të tillë.  

Opozita ka shkuar në luftë me pushkë druri. Sot pritej një seancë në të cilën kryeministri të përgjigjej për akuzat e bëra nga opozita dhe dyshimet nga mediat ndërkombëtare. Zhgënjimi ishte nga të dy palët. Nuk gjej motiv pse kryeministri e shmangu Parlamentin dhe e dyta, opozita është në mungesë totale fantazie. Një kakofoni e tmerrshme. Opozitës më shumë se kurrë i interesonte qetësia dhe të dëgjohej zëri i saj. Zhurma i interesonte maxhorancës. Opozita nuk fiton duke prishur seancën. Zotin Rama e kanë këshilluar të shmangë deklarimet në lidhje me këtë çështje në sallën e Kuvendit. Salla e Kuvendit ka solemnitet.