"Palët do të ulen dhe do...", Nazarko reagon mbi marrëveshjen e Kosovës: Serbia bëri lëvizje surprizë

Analisti Mentor Nazarko, ka qenë i ftuar në studion e ABC News ku komentoi situatën aktuale në Kosovë. Në lidhje me një marrëveshjes të mundshme mes Serbisë dhe Kosovës, Nazarko u shpreh se mendon se kjo do të ndodhë afër, pasi faktori serb bëri një lëvizje surprizë, duke iu referuar pranimit nga Vuçiç të planit franko-gjerman.

“Unë mendoj se jemi afër një marrëveshjeje. Sepse në finale të kësaj loje, faktori serb ka  adoptuar një lëvizje surprizë. Para një jave, Vuçiçi ka pranuar planin franko – gjerman. Kurti që më parë thoshte se e pranon këtë si plan për diskutim,  tani ka nxjerrë një kusht që duket i tepërt edhe pse është legjitim.

Unë mendoj se edhe kjo garanci do të realizohet dhe duke e parë kështu, palët do të ulen dhe do të firmosin marrëveshjen”,tha ndër të tjera Nazarko.