"Paratë e pisëta po na...", eksperti lëshon paralajmërimin e frikshëm: Po shkojmë drejt varfërisë ekstreme

Eksperti i ekonomisë, Pano Soko, deklaroi se rritja e çmimeve po shkakton varfëri ekstreme. Pano Soko u shpreh se paratë e pisëta që janë në qarkullim po shkaktojnë varfërimin e qytetarëve të cilët bëjnë punë të ndershme.

"Efekti i parasë së pisët. Sa herë ka diskutim mbi këtë, mbi amnistimin e parave të pisëta, ka një grup që e sheh në një ngjyrë rozë situatën që thotë s'ka problem.

Kjo para ka kundërshtarin më të madh paranë e pastër, njeriu që bën punë të pisët kundërshtar ekonomik në garën e tregut ka atë që punon me punë të ndershme.

Po shkojmë drejt varfërimit, problem sot është se të ndershmit po varfërohen prej parasë së pisët.

Paraja e pisët hyn në ekonomi, ju rrit çmimet e apartamenteve dhe e pësojnë ata që kanë para të pastër."-tha Soko në edicionin e orës 19:00 me Juli Krisafin.

Pano Soko shtoi se shqiptarët që marrin 50 mijë lekë të reja në muaj është në nivelet e konsumit bazë dhe në prag të varfërisë ndërsa solli shembullin e një familje me katër anëtarë.

"Një familje me dy prindër, me dy fëmijë dhe prindërit që marrin 50 mijë lekë të reja në muaj, këta katër persona jetojnë në varfëri zyrtare sipas Bankës Botërore."-tha Soko.