Parlamenti Europian pritet të nisë hetim për Oliver Varhelyi, zbardhet njoftimi më i fundit dhe akuzat që rëndojnë

Një hetim pritet të nisë së shpejti ndaj Komisionerit Evropian Fqinjësisë dhe Zgjerimit të Bashkimit Evropian, Oliver Varhelyi. Kjo është kërkuar nga Komisioni për Punë të Jashtme i Parlamentit Evropian.

Ka qenë deputeti holandez i Parlamentit Europian, Thijs Reuten ai që ka shpërndarë lajmin në Twitter, duke thënë se hetimi do të fillojë për shkak të pretendimeve se Varhelji po minon qëllimisht reformat në fushën e demokracisë dhe shtetit të së drejtës në vendet kandidate për në BE-së.

“Komisioni i Parlamentit për Punë të Jashtme kërkon një hetim mbi sjelljen e Komisionerit për Zgjerim z. Varhelyi lidhur me raportet se ai minon qëllimisht demokracinë dhe reformat e sundimit të ligjit në vendet që synojnë anëtarësimin në BE”, ka shkruar Reuten.