Pas një kohe të gjatë me temperatura të larta, ngrihet alarmi për stuhi

Frontet e Atlantikut kanë filluar të afrohen në Itali dhe Ballkan dhe nga e hëna pritet destabilizim i atmosferës, por jo në territoret tona. Fillimisht pritet destabilizim i fortë në shumë pjesë të veriut të Italisë dhe po ashtu ka një alarm të verdhë në veriperëndim të Sllovenisë. Në disa lokacione të izoluara në veri të Italisë dhe veriperëndim të Sllovenisë alarmi është i kur që do të thotë se priten stuhi të forta, por të lokalizuara vetëm në disa rajone.

Pas një kohe të gjatë me mot stabil dhe pa stuhi, kjo është hera e parë që kemi disa alarme krejtësisht normale meteorologjike. Kjo verë ishte jashtëzakonisht e stuhishme në Itali, Slloveni e deri në Serbi.

Nga e marta pritet që të kemi edhe në territoret tona zhvillime të rrebesheve lokale të shiut me vetëtima dhe bubullimë. Reshjet do të jenë të karakterit lokal, ndërsa priten kryesisht në pjesë të Kosovës, veriut të Malit të Zi, Luginë të Preshevës dhe pjesë të Maqedonisë së Veriut. Më pak do të jenë prezente në Shqipëri.