Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Përgjimet/ Baza e trafikut të drogave të forta në Shijak, Avdylajt bashkëpunëtorë me Bajrat e Shkodrës dhe Ndokajt e Lezhës

Postuar: 23/10/2018 - 10:10

Aksioni i djeshëm i policisë në bashkëpunim me Krimet e Rënda që çoi në arrestimin e 27 personave pritet të nxjerrë në dritë personazhe të njohur të botës së krimit që janë të implikuar në këtë aktivitet kriminal. Nga përgjimet e bëra nga ana e prokurorisë rezulton se banda e Avdylajve, kishte një bashkëpunim të ngushtë me bandën e Bajrave të arrestuar dy javë më parë, që operonte në Shkodër, dhe bandës së Ndokajve që operojnë në Lezhë. Në vendimin e Gjykatës së Krimeve të Rënda, me 44 urdhër-arreste rezulton se ka lidhje mes disa organizatave kriminale më në zë në vend, të shtrira nga Jugu në Veri. Rezulton se qendra e trafikut të kokainës dhe heroinës nga Amerika Latine drejt vendeve të Bashkimit Evropian ishte në Shijak e Maminas, ndërsa për kanabisin ishin të angazhuara dhe organizatat e tjera kriminale. Prokuroria ka ndërtuar lidhje mes organizatës kriminale të Avdylajve në Shijak, Bajrave në Shkodër dhe Ndokajve në Lezhë. Sipas Prokurorisë në krye të kësaj superorganizate ishte Astrit Avdyli, i njohur edhe si Astrit Balliu dhe merreshin me trafikun e sasive të mëdha droge nga Shqipëria drejt Italisë e më pas drejt vendeve të BE-së. Pjesë e kësaj organizate, thekson prokuroria janë edhe personazhe të tjerë të njohur të botës së krimit si Safet Bajri, Astmer Bilali, Astrit Keçi, Gerald Keçi, Gjevi Ndoka e Danjan Ndoka. Pikënisje e zbulimit të kësaj superorganizate është bërë kapja në Itali më 8 shkurt 2017 e 2 ton kanabis ku u arrestuan transportuesit Ermal Agaj dhe Avni Dhrami. Sipas prokurorisë, në rastin e këtij trafikimi janë përfshirë veç të tjerëve edhe Astrit Avdyli, i njohur si bosi i Shijakut dhe Gjevi Ndoka, vëllai i Arben Ndokës. Këto lidhje mes Astrit Avdylit, Gjevi Ndokës dhe fierakëve Petrit e Saimir Sulejmani dalin prej përgjimeve që u janë bërë komunikimeve të tyre telefonike.

Hetimet

Hetimet e Prokurorisë të nisura prej 2016-tës, kanë zbuluar se të 4 grupet ndërvepronin me njeri-tjetrin edhe punonin të pavarur. Gjatë një përgjimi të datës 4 shkurt 2017, vetëm dy ditë pas kapjes së ngarkesës me 2 ton kanabis në Itali, Astrit Avdyli telefonon Petrit Sulejmanin dhe e pyet nëse ishte kthyer dhe në ishte kthyer “me det apo me tokë”. Ndërsa në muajin qershor 2018, pak kohë para se policia të godiste grupin e Bajrave në Shkodër, dalin përgjimet që kanë krijuar edhe lidhjet mes Avdylajve dhe Bajrave. Në skenë dalin Astmer Bilali, ish-kampioni I boksit që në fillim të muajit shtator u arrestua bashkë me Safet Bajrin dhe anëtarët e tjerë të organizatës. Astmer Bilali, sëbashku me një tjetër sportist, ish-kampionin e mundjes Elis Guri kryenin trafik kanabisi, që sipas “Prokurorisë e bënin për llogari të Safet Bajrit. Sipas Prokurorisë, Astmer Bilali dhe Elis Guri i kanë shitur një sasi kanabisi dhe kokaine shtetasve Florenc Xheleku e Adnand Hupit. Në përgjimet telefonike, del që Xheleku telefonon Astmer Bilalin dhe i thotë që ka mbërritur deh në këtë moment Astmer Bilali telefonon Elis Gurin dhe e vë në dijeni se kanë ardhur ata shokët, ndërsa kampioni i mundjes i thotë se ndodhet në Tiranë dhe se ata duan atë që ai ka aty, duke nënkuptuar sasinë e kanabisit. Pas këtij konfirmimi Astmer Bilali lidhet sërish me Florenc Xheleku dhe i thotë se po shkonte ta takonte, duke realizuar kështu edhe takimin e shkëmbimit të sasisë së kanabisit. Në konkluzionet e saj Prokuroria shprehet se shtetasit Astrit Avdyli, Altin Avdyli në lidhje me Gjevi Ndokën, Danjan Ndokën dhe të tjerë kryejnë trafik të lëndëve narkotike, kokainë dhe heroinë dhe Kolumbia dhe Peruja për shpërndarje në shtetet europiane si Holanda, Gjermania, Franca etj. Operacioni është koduar me emrin VOL-VO 4, për shkak se anëtarët e një grupi lëviznin me mjete tip Volvo. Dyshohet se në këtë aktivitet ka edhe persona të tjerë të përfshirë, të cilët mësohet se janë nën hetim.

Elvis Myrta

/Agjensia e Lajmeve Sot News/

Na Beni Like Ne Facebook: 
Total votes: 5

Lajme nga e njejta kategori

Postuar: 15/11/2018 - 20:32

Bleona Mata është vajza e vogël 6 vjeçare që u zhduk pasditen e 22 majit të vitit 2010, teksa kulloste bagëtitë në malin e fshatit Zapod të Kukësit .

Postuar: 15/11/2018 - 19:37

Detaje të reja kanë dalë nga arratisja e ish-kryeministrit të Maqedonisë Nikolla Gruevski, përmes

Postuar: 15/11/2018 - 19:30

Nga kjo fundjave pritet të rikthehen reshjet e shiut në vend si dhe temperaturat do të ulen.&nbsp

Postuar: 15/11/2018 - 19:21

69 vite pas vdekjes, përmbushet amaneti i mendimtarit të Kombit Mit'hat Frashëri, për t&

Postuar: 15/11/2018 - 18:24

Policia e Shtetit ka reaguar pas lajmit se ish-kryeministri i Maqedonisë Nikola Gruevski është ar

Postuar: 15/11/2018 - 17:36

Një tërmet 3.5 ballë ka lëkundur pak minuta më parë veriun e Shqipërisë, ndërkohë që lëkundjet ja