“Po e gropos Izetin”, ish-truproja i Sali Berishës bën deklaratën ‘bombë’ ndaj Idajet Beqirit, zbulon sherrin që e çoi Haxhinë tek ‘313-ta’: Le të flasë, por...

Sali Lushaj, ish truproja i ish kryeministrit Sali Berisha, sa i përket faktit që Izet Haxhia ka zgjedhur Idajet Beqirin për tu mbrojtur, tregon në një intervistë se nuk ia merrte mendja kurrë që të merrte atë avokat pasi në të kaluarën ka përfunduar pas hekurave nga përplasja me të.

“Avokati po e gropos Izetin, për aq sa shoh unë. Jam habitur se si Izeti merr atë avokat. Ka pasur një sherr me Idajetin. Kemi qenë bashkë atë ditë, një përplasje kur po zbriste Izeti nga shkallët. Madje të nesërmen, na ndaloi policia tek Ushtari i Panjohur. Izetin e çuan tek 313, e mbajtën 72 orë dhe e kthyen në detyrim paraqitje. Të më kishte çuar fjalë Izet Haxhia, ma gjej një avokat, do ja kisha gjetur ku të donte, por vetëm atë njeri të mos e merrte. Unë e shoh sepse në një intervistë thotë se Izet Haxhia do të thotë shumë gjëra. Ti po e përlyen, nuk je hetues. Izeti po pati bërë gjë, le të flasë, por nuk ma do mendja që është i përlyer në ndonjë krim”, deklaroi Lushaj.