Pse u rihap dje dosja për 21 janarin? Artan Hoxha zbulon prapaskenat e errëta dhe tregon kush qëlloi në protestë: Përdorja një telefon të vjetër, pashë lëvizjen e dorës së...

Duke folur për 21 janarin, gazetari Artan Hoxha tha se vrasjet nuk i kanë bërë protestuesit por i ka bërë garda.

Ndër të tjera, shtoi se çështja nëse nuk do të rihapej, nuk do të lejohej më rihetimi pasi do i përfundonte afati 10 vjeçar. Teksa rrëfen si ndodhi vrasja, Hoxha shprehet:

“Vrasjet nuk i kanë bërë protestuesit por i ka bërë garda. E kam parë me sy të lirë dhe mendoj se duhet të ishte raportuar. Për dreq, në atë kohë përdorja një telefon të vjetër dhe nuk kisha lidhje me internetin fare dhe e marr e çoi te montazhi që ishte duke hedhur pamje. I them hap kasetën, e shikojmë dritarja nga ku Agim Llupo qëllon Ziver Veizin edhe i them ja ku i ke vrasjet, ja kush e ka bërë.

Për mua vrasjet janë të qarta. Aty është bërë një eksperiment duke vendosur në pozicion qitësit që kanë qëlluar  një person me lazer dhe në pozicionin ku kanë qenë personat e vrarë, janë vendosur të tjerët. Deri në atë moment, po hetohej që vrasjet i ka bërë turma. Ai moment ktheu dhe doli që i ka bërë garda. Mbaj mend që më thirrën në prokurori dhe thashë që për mua është e qartë që shoh lëvizjen e dorës të gardistit që me një lëvizje të vogël qëllon me automatik e më pas sposton pak dorën e vret tjetrin.

Për mua, që në fillim hetimi është i sabotuar. Nuk ka pasur integritet prokuroria ta bëjë atë hetim. Kjo historia që u bë për rihapjen e çështjes ka synuar që të mos lejojë parashkrimin e çështjes. Pra nëse nuk do ishte e hapur, do të parashkrohej dhe nuk do të mundësi për hetim për ngjarjen e 21 janarit. Fakti që u rihap dje, do të thotë që tashmë kemi dhe një 10 vjeçar tjetër në dispozicion të organeve të drejtësisë për të hetuar se cfarë ka ndodhur më 21 Janar”.