Rrëfehet Blendi Fevziu: Ishte një moment historik! Unë, Blushi dhe Shkullaku kemi ndenjur gjithë natën për të nxjerrë...

Gazetari Blendi Fevziu kujtoi në Euroneës Albania momente nga themelimi gazetës Rilindja Demokratike, e para gazetë e lirë pas më shumë se 70 vjetësh në vend.

Fevziu tregoi një foto nga momenti i daljes së kopjes së parë të RD, ndërsa risolli në vëmendje se si ai bashkë me studentë të tjerë në atë kohë si Ben Blushi e Armand Shkullaku prisnin daljen e kopjes së parë të gaztës, që siç tha u shumëfishua dhe u shpërnda dorë më dorë.

“Është momenti kur del kopja e parë e gazetës, e para gazetë e lirë pas 70 e ca vitesh në Shqipëri. Preç Zogaj, që ishte drejtori i grupit themelues të këshillit botues ka hapur kopjen e parë të gazetës. Fotoja është marrë nga filmimi i një videoje të xhiruar nga Agim Buxheli. Këtu unë kam qenë bashkë me Armand Shkullakun dhe Ben Blushin gjithë natën për të përgatitur daljen e numrit të parë të gazetës. Ka qenë diçka e pa llogaritur në atë. Gazeta ka dalë në 100 mijë kopje dhe brenda darkës ishte shumëfishuar dhe shpërndahej dorë më dorë. Ishte një moment historik nga ato momente që nuk përsëriten më dhe nuk janë meritë e njerëzve, janë meritë e kohës”, tregoi Fevziu.