Rriten shifrat/ Konfirmohen 8 raste pozitive brenda ditës, mes tyre dhe drejtoresha, ministria merr vendimin për shkollën

Kanë rezultuar pozitiv me koronavirus 8 mësues brenda një dite, kjo ka detyruar ministrinë që të mbyllë shkollën pjesërisht, duke mundësuar mësimin online.

Bëhet fjalë për shkollën “Meleq Gosnishti” në Patos, ku raportohet se klasat nga 6-9 do ta bëjnë mësimin online, ndërsa klasat e ulëta do të jenë të pranishme fizikisht në shkollë.

Kjo për shkak se rezultuan pozitiv me Covid-19, 8 mësues brenda një dite, çka ka detyruar zyrën e arsimit të marr masa për vazhdimin e mësimit online për rreth 180 nxënës të ciklit të dytë, nga klasa e 6 deri në të 9.

Tamponit pozitiv nuk i ka shpëtuar as drejtoresha e shkollës. Mësimi për nxënësit e ciklit të dytë do të vazhdoj on-line për dy jave, për të pritur më pas edhe vendimarrjen që do të merret.

Nga ana e bashkisë së Patosit janë marrë masat për dezinfektimin e mjediseve.