Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Shpartallohet grupi i rrezikshëm i hajdutëve shqiptarë në Itali, operacioni ndërkombëtar arreston disa persona, mes tyre edhe një femër (Detajet)

Postuar: 19/08/2019 - 15:55

Një operacion i koordinuar midis Interpol Tiranës dhe asaj të Romës bëri të mundur shpërbërjen e një grupi grabitësish shqiptarë, të cilin kishin kryer një seri vjedhjesh në Itali.

Operacioni dypalësh ‘’Korabi’’ arrestoi në Dibër shtetasit B.GJ. 38-vjeç dhe Q.A. 32-vjeç. Personi i tretë i arrestuar është shtetasja H.R. 49-vjeçe, e cila u ndalua ditën e sotme në Itali.

Sipas të dhënave, të tre ishin banorë nga Dibra dhe kryenin grabitje me arme. Ata ishin shpallur në kërkim nga policia shqiptare dhe ajo italiane.

Njoftimi i policisë

Kapen në Peshkopi nga Policia e Dibrës dy shtetas dhe në të njëjtën kohë kapet në Itali, nga Policia Italiane edhe pjesëtarja e tretë e grupit, një shtetase nga Dibra.

Në kuadër të operacionit të përbashkët policor të koduar “Korabi”, zhvilluar ndërmjet Policisë Shqiptare dhe asaj Italiane, si rezultat i shkëmbimit të shpejtë të informacioneve të Departamentit të Policisë Kriminale, Interpol Tirana me Zyrën Ndërlidhëse të Oficerëve Italianë në vendin tonë dhe Divizionit të 3-të të Interpol Roma, nga Policia e Dibrës, u bë kapja dhe arrestimi i shtetasve në kërkim ndërkombëtar:

B. GJ., 38 vjeç, dhe Q.A.(M), 32 vjeç, lindur dhe banues në Dibër.

Gjithashtu, në Fiano Romano/Itali, u bë arrestimi i shtetases shqiptare H.R., 49 vjeçe, lindur dhe banuese në Dibër.

Shtetasit e mësipërm ishin shpallur në kërkim ndërkombëtar pasi Gjykata Rieto/Itali me vendimin e datës 25.06.2019, ka vendosur masën e sigurisë “Arrest në burg” për veprat penale “Organizatë kriminale”, “Vjedhja me armë, kryer në bashkëpunim”, “Mbajtja pa leje e armëve të zjarrit” dhe “Mbajtja e sendeve të vjedhura”, parashikuar nga Kodi Penal Italian.

Maksimumi i dënimit 20 vjet burg.

Përmbledhje e ngjarjes së ndodhur:

Në datën 04.05.2019, në zonën Fiano Romano/Itali, shtetasit e mësipërm në bashkëpunim me njëri-tjetrin kanë vjedhur nëpërmjet përdorimit të armëve në banesën e shtetasit italian A.L., një sasi bizhuterish dhe shumën 60.000 euro, që ndodheshin në kasafortën e këtij shtetasi dhe më pas janë laguar nga vendi i ngjarjes me një automjet të vjedhur.

Vijon puna për dokumentimin me prova ligjore edhe të vjedhjeve të tjera, që dyshohet se janë kryer në Itali nga ky grup.

Interpol Tirana në bashkëpunim me Interpol Roma po vijojnë procedurat për ekstradimin drejt Italisë të dy shtetasve të kapur dhe arrestuar nga Policia e Dibrës.

 

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 22/09/2019 - 00:27

Tjetër tërmet lëkund Shqipërinë. Raportohet 5 ballë tërmeti i fundit me epiqendër Durrësin.

Postuar: 21/09/2019 - 23:50

Dy persona janë plagosur me armë zjarri pak para mesnatës në Nikël të Fushë Krujës.

Postuar: 21/09/2019 - 23:41

Dy persona janë plagosur me armë zjarri pak para mesnatët në Nikël të Fushë Krujës.

Postuar: 21/09/2019 - 23:37

Nga tërmeti i cili tronditi vendin ditën e sotme ka mbetur i lënduar edhe një turist i huaj.

Postuar: 21/09/2019 - 23:22

Eksperti Rrapo Ormëni ka qenë në studion e News24 për të folur për tërmetet që goditën sot vendin

Postuar: 21/09/2019 - 23:11

Ministrja e Infrastrukturës dhe Energjitikës Belinda Balluku shprehet se nga lëkundjet e forta të

Postuar: 21/09/2019 - 23:04

Qytetarët e Tiranës, Durrësit, por edhe të qyteteve të tjera kanë përjetuar momente tmerri ditën