Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Shqiptarët “shtëpi pushke”, i vetmi vend i Europës ku numri i meshkujve tejkalon atë të femrave

Postuar: 13/03/2018 - 15:23

Shqipëria është i vetmi vend i Europës ku numri i meshkujve tejkalon atë të femrave. ‘Telegraph’ ka publikuar së fundmi hartën globale me raportin burra/gra. Sipas të dhënave të hartës, Shqipëria është i vetmi vend në Europë ku ka më shumë burra se gra. Ky raport në Shqipëri ishte 1.04. Për çdo 100 burra në Shqipëri ka 96 gra. Nëse shikoni hartën, e gjithë Europa është ngjyrosur me të kuqe, që do të thotë se ka shumë gra sesa burra, ndërsa Maqedonia është e ngjyrosur me të gjelbër, duke qenë se në të ka po aq burra sa gra.

Qytetet në Shqipëri, ku ka më shumë femra dhe ku mbizotërojnë meshkujt
Sipas të dhënave të fundit të INSTAT, të përpunuara nga ‘Monitor’, grupmoshat që kontribuojnë në këtë raport në Shqipëri janë grupmoshat e reja, nga të porsalindurit deri në 39 vjeç. Në total, nga mosha 0-39 vjeç, ka 51 meshkuj më shumë sesa femra, me një raport 1.067. Raportin më të lartë e ka grupmosha 25-34 vjeç, me 1.12. Për këtë grupmoshë, sipas të dhënave të INSTAT, për 224 mijë meshkujt ka 199.8 mijë femra.

Nga mosha 40 vjeç e lartë fillojnë e mbizotërojnë femrat. Për grupmoshat nga 40-59 vjeç, raporti është 0.95. Gratë jetojnë më shumë se burrat, ndaj për të moshuarit mbi 80 vjeç, raporti është 0.85, ku ka 38 mijë gra dhe 32 mijë burra.

Ka vetëm dy qarqe, sipas INSTAT, ku numri i femrave ia kalon meshkujve, që janë Tiranë, Shkodra dhe Gjirokastra. Në kryeqytet, raporti është 0.98, ku në vlerë absolute ka 10 mijë femra më pak sesa meshkuj (436,917 meshkuj dhe 447,079 femra). Në Shkodër, raporti është 0.97, ku ka rreth 3200 femra më shumë, ndërsa në Gjirokastër rreth 700 gra më shumë.

Ndërsa qarqet ku mbizotërojnë meshkujt janë Fieri, ku ka rreth 5300 meshkuj më shumë (raporti 1.04), të ndjekura nga Dibra, me 5200 burra më shumë (1.09), Durrësi me 4300, Kukësi me 1900.

Vendet me përqindjen më të lartë të grave në botë
Sipas hartës së ndërtuar nga Telegraph, në Northen Marina Island, për çdo 10 gra ka vetëm 7 burra. Ky është vendi që ka përqindjen më të lartë të grave përkundrejt burrave në të gjithë botën. Vendi i dytë në botë është Estonia, ku për çdo 10 gra ka 8 burra./monitor/

Lista me 10 vendet ku raporti burra/gra është më i ulët

Northern Mariana Islands – 0.74
Estonia – 0.84
Ukraina – 0.85
Xhibuti – 0.86
Letonia – 0.86
Rusia – 0.86
Bjellorusia – 0.87
Armenia – 0.89
Lituania – 0.89
Antigua and Barbuda – 0.9

 

/Agjensia e Lajmeve Sot News/

Na Beni Like Ne Facebook: 
Total votes: 21

Lajme nga e njejta kategori

Postuar: 18/09/2018 - 16:48

Partia Demokratike deklaron se Kryeinspektori i IKMT-së ka kërcënuar deputetin demokrat Agron Shehaj sot gjatë aksionit në Jalë.Në një njoftim për mediat, PD thotë se deputeti i Partisë Demokratike, Agron Shehaj së ba

Postuar: 18/09/2018 - 16:12

Në të ardhmen, të gjitha rrugët të cilat kanë standardet e një autostrade do të jenë me pagesë.

Postuar: 18/09/2018 - 15:56

Në një kohë qe Komisioni i Veprimtarive Prodhuese po diskutonte një prej çështjeve më delikate, d

Postuar: 18/09/2018 - 15:47

Një shqiptar është shtirur sikur ka vrarë veten, më pas videon ia ka dërguar ish-it.

Postuar: 18/09/2018 - 15:30

Vazhdojnë tensionet midis banorëve të Jalës dhe punonjësve të IKMT-së, për shembjen e objekteve p

Postuar: 18/09/2018 - 15:19

Gjykata e Strasburgut ka rrëzuar pretendimin e ish-deputetit Mark Frroku se me ndalimin e tij, ës

Postuar: 18/09/2018 - 14:18

Bie kërkesa për gjykim të shkurtuar për dy kushërinjtë, Dejvi dhe Eugen Bitraj të cilët akuzohen