Si iu mbyll dosja e kokainës kryebashkiakut të Ramës? Ish-zyrtari i policisë zbulon prapaskenat

Ish-zyrtari i policisë Arben Hajdaramaj tha në emisionin Now se dosja e parë ndaj kryebashkiakut të Bulqizës Lefter Alla, pas publikimit të videos duke konsumuar kokainë, është mbyllur me ndërhyrje politike.

Sipas tij, edhe pse prokuroria e mbylli çështjen ndaj tij me pretendimin se nuk gjendej origjina e videos, në rastin e një kryebashkiaku, që është një figurë e rëndësishme publike, hetimet duhet të vazhdonin kryesisht, për të bërë transparencë.

“Ai është një person publik dhe duhet të kishte një transparencë përballë publikut nëse vërtetë ka pasur lidhje apo thjesht u gjend në një ambient. Edhe mbyllja e kësaj çështjeje është bërë me një farë ndërhyrjeje politike. Mbyllja kaq me ngut, është bërë se është kryebashkiak i partisë në pushtet. Në rastin e dytë nuk ka pasur më mbrojtjen politike”, tha Hajdarmataj.